JOSUÉ 11:21 - Dios Rimashcata Quillcashcami

²¹ Chai punzhallatami Josueca Hebrón, Debir, Anab, Judá aillucunapac, tucui Israel urcucunapi causac anaquitacunata tucui huañuchirca. Josueca tucui chai pueblocunandimi tucuchirca.

JOSUÉ 11:21 Iomraidhean Croise

JEREMÍAS 3:23

Lomacunapi, urcucunapi caparishpa mañanaca yangallami. Ashtahuanpish ñucanchictaca Mandac Diosllami quishpichi pudin.

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

NÚMEROS 13:33

Chashnallatac Anacpac manchana jatun churicunatapish ricurcanchicmi. Paicunaca yalli jatuncunami. Paicunahuan chimbapuracpica, ñucanchicca shuc curu shinallami carcanchic. Paicunapish ñucanchictaca chashnallatacmi ricurca— nirca.

DEUTERONOMIO 1:28

¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.

DEUTERONOMIO 2:21

Chai gentecunaca yalli achcami carca. Shinallatac Anacpac churicuna shina, yalli jatun gentecunami carca. Paicunataca Mandac Diosmi amonitacunapac maquipi churashpa tucuchichirca. Chashna tucui tucuchishpami chaipi causai callarirca.

DEUTERONOMIO 9:2

Chai llactacunapica Anacpac churi manchaipac jatun gentecunami causan. Paicunamanta maijancuna: “Anacpac churicunahuanca, ¿pitac macanacungapac shayari pudingayari?” nishcataca cancunallatacmi uyashcanguichic.

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

APOCALIPSIS 6:2

Shina nicpi ñuca ricushpaca, yuranlla caballotami ricurcani. Chai caballopac jahuapi tiyacucca shuc arcotami apashca carca. Paiman coronata cucpimi, atishpa mishangapac llucshirca.

JUECES 1:20

Moisés nishca shinallatacmi Hebrón pueblotaca Calebman curca. Chai pueblomantami paica Anacpac quimsa churicunata llucchishpa cacharca.