JOSUÉ 10:40 - Dios Rimashcata Quillcashcami

⁴⁰ Chashnami Josueca tucui pueblocunata japirca. Urcucunapi tiyac tucui pueblocunata, Neguev shitashca pambacunata, quingraicunata, chaipi tiyac tucui jatun mandaccunatapish huañuchishpami, shucllatapish mana causacta saquirca. Chashnami israelcunata Mandac Dios mandashca shinallatac shucllatapish mana causacta saquishpa, tucui huañuchirca.

JOSUÉ 10:40 Iomraidhean Croise

1 REYES 15:29

Pai mandai callarishpaca, Jeroboampac huasi ucupurataca shucllatapish mana saquishpami, tucui huañuchirca. Jeroboampac huahua huahuacunataca Diosta servic Ahiasman Mandac Dios huillachishca shinallatacmi chashna ruhuarca. Ahiasca Silo pueblopimi causarca.

NEHEMÍAS 9:24

Paicunapac huahua huahuacunami chai llactataca japirca. Chai llactapi causac cananeocunata atishpami, paicuna munashcata ruhuashpa llaquichichun, jatun mandaccunandi, chai llactapi causaccunandi, paicunapac maquipi churarcangui.

SALMOS 9:17

Millaita ruhuaccunapish, Diosta cungaric gentecunatapish Seolmanmi apashca canga.

ÉXODO 34:12

Can maipi causangapac rigricushca llacta gentecunahuan ama ari ninacunguichu. Chaimanta cuidaringui. Chaica mitcachic shinami urmachinga.

NÚMEROS 13:17

Moisés Canaán llactata ricuchun cachacushpaca: «Caimantaca Neguevman huichai rishpa, urcuman ringuichic.

DEUTERONOMIO 1:7

Cancunaca amorreocunapac urcucunaman, chai cuchulla llactacunaman richic. Chai llacta ladollapi cac Arabá llactapi, urcupi, pugru pambapi, shitashca pamba Neguevpi, mama cucha patapi causac cananeocunapac llactapi, Líbano llactapi cac Eufrates yacu ladocaman rishpa causagrichic.

DEUTERONOMIO 2:34

Tucui llactacunata quichushpami, tucui tucuchircanchic. Shucllatapish mana saquishpami caritapish, huarmitapish, huahuacunatapish tucui huañuchircanchic.

DEUTERONOMIO 7:24

Jatun mandaccunatapish cancunapac maquipimi churanga. Cancuna paicunata tucuchicpimi, cai pachapica paicunapac shuticunatapish mana pi tapunga. Tucuita tucuchingacaman pi mana atingachu.

JOSUÉ 10:35

Chai punzhallatami chai pueblota japishpa, chaipi causaccunataca espadahuan chugrichishpa huañuchirca. Chai punzhapica Laquis pueblopi causaccunata shinallatacmi chai pueblopi causaccunatapish shucllatapish mana saquishpa, tucui huañuchirca.

JOSUÉ 10:37

Hebrón pueblota japishpaca, chai pueblota jatun mandactapish, chai pueblo cuchulla llactacunapi causaccunatapish tucuimi huañuchirca. Paicunataca espadahuan chugrichishpami shucllatapish mana saquishpa, tucui huañuchirca. Chaipi causaccunapish, Eglón pueblopi causaccunapish, shucllapish mana causac saquirircachu.

JOSUÉ 10:39

Chai pueblota japishpami, chai pueblopi cac jatun mandactapish, chai pueblo cuchulla llactacunapi causaccunatapish espadahuan chugrichishpa huañuchirca. Chaipipish tucuita huañuchishpami shucllatapish mana causacta saquirca. Hebrón pueblopi, Libna pueblopi causaccunatapish, chai pueblota jatun mandactapish ruhuashca shinallatacmi Debir pueblopi causaccunatapish, chai pueblota jatun mandactapish tucui huañuchirca.

JOSUÉ 11:16

Josueca chashnami tucui llactacunata japirca. Urcucunapi tiyac pueblocunata tucui Neguev pambacunata, Gosén tucui llactacunata, jatun pamba Sefelata, Arabá llactata, Israel urcucunatapish pugru pambacunandimi japirca.

JOSUÉ 12:8

Shina chaupishpami urcucunapi, pugru pambacunapi, Arabá pambapi, urcu quingraicunapi, Neguev shitashca pambapi allpata curca. Chai llactapica heteocuna, amorreocuna, cananeocuna, ferezeocuna, heveocuna, jebuseocunami causac carca.

JOSUÉ 18:21

Benjamín ailluman paicuna mashna cashcata ricushpa cushca pueblocunaca caicunami: Jericó, Bet-hogla, Emec-casis,

JOSUÉ 6:17

Shina cacpipish, Mandac Diosca cai pueblopi causaccunataca chaipi tucui imalla tiyashcacunandi tucuchingapacmi chicanyachishca. Huainayashpa causac Rahab huarmillami paipac huasipi tiyaccunandi mana huañunga. Paica ñucanchic cachashca pacalla ricuc runacunata pacashpa, mana huañuchichun saquishcamantami mana huañuchishca canga.

JOSUÉ 8:2

Hai pueblotapish, chai llactata jatun mandactapish, ima shinami ruhuarcangui shinallatacmi Jericó pueblotapish, chai llactata jatun mandactapish ruhuana cangui. Ashtahuanpish paicuna charishcacunallata, paicunapac huagracunallata japinguichic. Shinallatac cungailla puebloman yaicungapacca chai pueblo huashata maijan runacunata cachangui» nirca.

JOSUÉ 8:27

Mandac Dios Josueta mandashca shinami, israelcunaca Hai pueblopi causaccunapac animalcunallata, tucui ima tiyashcacunallatami japirca.

JOSUÉ 9:24

Shina nicpimi, paicunaca Josuetaca: —Canta servic ñucanchicca canta Mandac Dios paita servic Moisesman huillashpa, tucui llactacunapi causaccunata tucuchishpa, chai llactacunata cancunaman cusha nishcatami allita yacharcanchic. Chaimantami cancuna ñucanchicta huañuchinata yallita manchashpa chashna ruhuarcanchic.