JOSUÉ 10:19 - Dios Rimashcata Quillcashcami

¹⁹ Cancunata piñaccunata catinataca mana saquinachu canguichic. Chaipac randica paicunata cuidaccunata macashpa chugrichishpa huañuchinami canguichic. Paicunapac pueblocunamanca mana yaicuchun saquinachu canguichic. Chai pueblocunataca cancunata Mandac Diosca cancunapac maquipimi churarca» nirca.

JOSUÉ 10:19 Iomraidhean Croise

2 SAMUEL 17:13

Maijan pueblopi miticucpica, tucui israelcunami huascacunahuan rishpa, paicunata aisashpa jatun yacupi shitashun. Shina shitacpimi, shuc rumillapish mana saquiringa— nirca.

2 SAMUEL 20:6

Chaimantami jatun mandac Davidca Abisaitaca: —Bicripac churi Sebaca Absalonta atishpami llaquichinga. Chaimanta canca ñuca serviccunata tandachishpa, chai runata cati callari. Pacta maijan muyundita pircashca puebloman rishpa miticugrinman— nirca.

JEREMÍAS 48:10

¡Mandac Dios ruhuachun nishcata mana alli ruhuacca mana alli nishca cachun! ¡Jatun macanacuita cachacpi, mana huañuchishpa cutic runapish mana alli nishca cachun!

JEREMÍAS 8:14

Gentecunaca: «¿Imapactac caipi tiyacunchiclla? Mandac Diosca ñucanchicta huañuchicunmi. Chaimanta tandanacushpa, muyundita jatun pircashca llactaman yaicushpa, chaipi huañushunchic. Juchata ruhuashpami, Mandac Diosta piñachishcanchic. Chaimantami paica yacuta venenohuan chapushpa ubiachishca.

JOSUÉ 10:18

Shina huillacpimi Josueca: «Jatun rumicunata singuchishpa apashpa, chai jutcuta tapaichic. Shinallatac maijan runacunata cuidachun churaichic.

JOSUÉ 10:20

Josuehuan, israelcunahuan amorreocunata chugrichishpa achcata huañuchishpa tucui tucuchicpica, maijancunallami muyundita pircashca pueblopi miticushpa atirca.