JOSUÉ 10:10 - Dios Rimashcata Quillcashcami

¹⁰ Chaipimi Mandac Diosca amorreocunamanca israelcunata yallita manchana yuyaita curca. Chaimantami israelcunaca Gabaón pueblopica chugrichishpa, achcata huañuchirca. Bet-horón puebloman rina ñanta callpacpipish Azeca, Maqueda pueblocamanmi cati rishpa huañuchirca.

JOSUÉ 10:10 Iomraidhean Croise

2 SAMUEL 22:15

Paipac flechacunata shitashpami shic-huashpa cacharca. Relampa jaguin nishpami tucuita callpachirca.

1 REYES 9:17

Chaimantami Salomonca Gezer pueblotapish, ura ladoman tiyac Bet-horón pueblotapish,

2 CRÓNICAS 14:12

Shina mañacpimi, Mandac Diosca Asapac ñaupapi, Judapac ñaupapi Etiopía soldadocunataca llaquichirca. Chaimantami paicunaca miticushpa callparca.

2 CRÓNICAS 25:13

Paicuna chashna ruhuacpica, Amasías macanacuiman mana aparishca cutichishpa cachashca soldadocunaca Judá llacta pueblocunaman yaicushpami, Samaria pueblomanta Bet-horón pueblocaman yallita llaquichishpa, quimsa huaranga runacunata huañuchishpa, achca charishcacunatapish quichushpa aparca.

SALMOS 18:14

Piñaccunataca paipac rayohuanmi caita chaita callpachirca. Paipac relampahuanmi paicunataca tucuchirca.

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

SALMOS 68:14

Tucuita ruhuac Dios chai jatun mandaccunata caita chaita callpachicpica, Salmón urcuca rasuhuan tapashcami saquirirca.

SALMOS 78:55

Chaipi causac runacunataca israelcuna ricucucpimi, llucchishpa cacharca. Chai quipaca huascahuan medishpami allpacunata chaupishpa curca. Chai runacuna causana huasicunapica Israel aillucunatami causachun churarca.

ISAÍAS 28:21

Mandac Diosca Perazim urcupi shinami shayaringa. Gabaón pambapi shinami, yallita piñaringa. Paica cancuna mana ricushca, mana entendipac mancharinata ruhuangapacmi piñaringa.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

JEREMÍAS 34:7

Babilonia llactata jatun mandacpac soldadocunaca Jerusalenpi causaccunahuan, Judá llactapi saquirishca Laquis, Azeca llactapi causaccunahuanmi macanacucurca. Judá llactapi muyundita pircashca llactacunaca chai ishcaillami saquirishca carca.

ZACARÍAS 14:3

Chai quipami Mandac Diosca jatun macanacuipi macanacuc shina, chai llaquichic llactacunahuan macanacungapac llucshinga.

DEUTERONOMIO 7:23

Mandac Diosmi paicunataca cancunapac maquipi churanga. Chashna ruhuashpami, tucuita tucuchingacaman jatun llaquicunata churashpa catinga.

JOSUÉ 10:11

Israelcunamanta miticushpa, Bet-horón pueblomanta urai rina ñanman callpacucpipish, Mandac Diosca jahua pachamanta rundu shina rumicunata Azeca pueblocamanmi paicunapac jahuapi urmachirca. Shina urmachicpimi, chai runacunaca tucui huañurca. Israelcuna espadahuan huañuchishcatapish yallimi chai rundu rumicuna urmashpa huañuchirca.

JOSUÉ 10:28

Josueca chai punzhallatami Maceda pueblota japishpa, chaipi causaccunatapish, chai pueblota jatun mandactapish espadahuan chugrichishpa huañuchirca. Chai pueblopi causaccunata shucllatapish mana saquishpami tucui huañuchirca. Chashna huañuchishpami Maceda pueblota jatun mandactaca Jericó pueblota jatun mandacta shinallatacmi huañuchirca.

JOSUÉ 10:9

Josueca Gilgal pambamantaca tucui tuta huichai rishpami amorreocunapacman cungailla chayarca.

JOSUÉ 11:8

Israelcunapac maquipi Mandac Dios churacpimi, paicunata atishpa, Sidón jatun pueblocaman, Misrefot-maim pueblocaman inti llucshina ladopi tiyac Mizpa pugru pambacaman catishpa rircacuna. Chashnami shucllatapish mana saquishpa, tucui huañuchircacuna.

JOSUÉ 12:16

Maceda pueblota jatun mandacta, Bet-el pueblota jatun mandacta,

JOSUÉ 15:35

Jarmut, Adulam, Soco, Azeca,

JOSUÉ 15:41

Gederot, Bet-dagón, Naama shinallatac Maceda pueblocunami carca. Chunga sucta pueblocunami muyundi uchilla llactacunandi carca.

JOSUÉ 16:3

Chaimantaca inti tigrana ladoman rishpaca, jafletitacunapac llactata pasashpa, Bet-horoncaman, Gezer pueblocamanmi carca. Chaimantaca mama cuchacamanmi carca.

JOSUÉ 16:5

Efrainpac aillucuna mashna cashcata ricushpa, cushca llactacunaca inti llucshina ladomanca Atarot-adar pueblomanta Bet-horón pueblocamanmi carca.

JOSUÉ 21:22

Quibsaim, Bet-horón pueblotapish michina pambacunandimi curca. Tucuica chuscu pueblocunatami curca.

JUECES 4:15

Chaipica Mandac Diosmi Baracpac ñaupapi Sisarataca carretacunandi, paipac macanacuc runacunandi espadahuan chugrichishpa tucuchirca. Chaipimi Sisaraca carretamanta uricushpa chaquillahuan miticushpa callparca.

JUECES 4:16

Chashna callpacpimi, Baracca Haroset-goimcaman cati rishpa, Sisarapac carretacunatapish, macanacuc runacunatapish shucllatapish mana saquishpa tucui tucuchirca.

JUECES 5:20

Lucerocunapish jahua cielomanta pachami macanacurca. Paicuna tiyana pushtumantami Sisarahuan macanacurca.

1 SAMUEL 13:18

Caishucca Bet-horón puebloman rina ñantami rircacuna. Cutin caishuccunaca Zeboim pambapi cac urcucunamanmi rircacuna. Zeboim pambaca shitashca pambamanmi can.

1 SAMUEL 17:1

Filisteocunaca soldadocunata tandachishpami israelcunahuan macanacungapac Judá llactapi cac Soco pueblopi tandanacurca. Chashna tandanacushpaca Soco puebloman Azeca pueblohuan chaupipi tiyac Efes-damin pueblo ladopimi carpa huasicunata shayachishpa tiyarirca.