JOSUÉ 1:5 - Dios Rimashcata Quillcashcami

⁵ Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

JOSUÉ 1:5 Iomraidhean Croise

GÉNESIS 39:2

Ashtahuanpish Mandac Dios Josehuan cacpimi, paica imapipish alli llucshirca. Paica Egiptomanta paipac amopac huasipimi causacurca.

1 REYES 1:37

Mandac Diosca ima shinami ñuca amo jatun mandac-huan carca, chashnallatac Salomonhuanpish cachun. Pai mandanataca ñuca amo can jatun mandac David mandacushcatapish ashtahuan jatunta ruhuashca cachun— nirca.

1 REYES 11:38

Canpish ñucata servic David shinallatac ñuca tucui nishcacunata uyashpa, ñuca mandashcacunata cazushpa, ñuca ñaupapi allita ruhuashpa causacpica, ñucaca canhuanmi casha. Israel llactata mandanataca Davidpac huahua huahuacunaman cushca shinallatacmi can mandachun cusha. Cambac huahua huahuacuna huasha huasha mandanamantaca manatac anchuchishachu.

1 REYES 6:13

Ñucaca israelcunapac chaupipi causashpami ñuca acllashcacunataca mana saquisha» nircami.

1 REYES 8:57

Ñucanchicta Mandac Diosca ñucanchic ñaupa taitacunahuan cashca shinallatac, ñucanchic-huanpish cachun. Ñucanchictaca ama cungarichun, ama saquichun.

1 CRÓNICAS 28:20

Shinallatac paipac churi Salomontaca: «Sinchi, sinchi tucushpa, cushicushpa ruhuai callarilla. Ñucata Mandac Diosca canhuanmi. Chaimanta ama manchaichu, ama shaicuichu. Mandac Diosca paipac huasita tucuita alli ruhuashpa, tucuchingacaman cantaca manatac saquingachu, mana cungaringachu.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

JEREMÍAS 1:8

Ñucami ima llaquimantapish quishpichingapac canhuan casha. Ama manchanguichu» nirca.

DANIEL 11:16

Paicunahuan macanacuc shamuc jatun mandacca pai munashcata ruhuashpami llaquichinga. Pipish paihuanca mana chimbapurai pudingachu. Paica sumaimana llactapimi sinchita mandashpa tucuita tucuchinga.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

ROMANOS 8:37

Tucui chai llaquicunapica Cristo cuyacpimi, imatapish mishaccunalla canchic.

DEUTERONOMIO 20:1

Cancunata piñaccunahuan macanacungapac llucshishpa caballocunata, carretacunata achcata ricushpa, achca gentecunata ricushpaca, ama manchanguichicchu. Cancunaca Egipto llactamanta llucchimuc Mandac Dios-huanmi canguichic.

DEUTERONOMIO 20:4

Mandac Diosmari cancunamanta cancunata piñaccunahuan macanacungapac rin. Paimi macanacuita mishachinga” nirca.

DEUTERONOMIO 31:23

Mandac Dios Nunpac churi Josueta cachacushpaca: «¡Sinchicui, ama manchaichu! Canmi israelcunata ñaupashpa ñuca paicunaman cungapac ari nishca llactaman yaicungui. Ñucami canhuan casha» nirca.

DEUTERONOMIO 4:31

Mandac Diosca llaquic Diosmi. Paica mana saquingachu, mana tucuchingachu, shinallatac cancunapac ñaupa taitacunahuan ari nishcatapish mana cungaringachu.

DEUTERONOMIO 7:24

Jatun mandaccunatapish cancunapac maquipimi churanga. Cancuna paicunata tucuchicpimi, cai pachapica paicunapac shuticunatapish mana pi tapunga. Tucuita tucuchingacaman pi mana atingachu.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

JOSUÉ 1:17

Moisés mandashcata ima shinami cazurcanchic, shinallatacmi cantapish cazushun. Mandac Dios ima shinami Moises-huan carca, chashnallatacmi canhuanpish cachun munanchic.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

JOSUÉ 10:8

Chaipimi Mandac Diosca Josuetaca: —Ñucami paicunataca cambac maquipi churagrini. Chaimanta paicunataca ama manchaichu. Paicunapuramantaca pipish canhuan mana macanacui pudingachu— nirca.

JOSUÉ 21:44

Mandac Diosca ñaupa taitacunaman ari nishca shinallatacmi tucui chai llacta muyundipi cushilla causaita curca. Shinami tucui israelcunata piñaccunaca maijanpish macanacungapac mana shayarirca. Chai piñaccunataca Mandac Diosmi tucui israelcunapac maquipi churarca.

JOSUÉ 3:7

Chashna nishca quipami Mandac Diosca Josuetaca: «Cunan punzhamanta pachami cantaca israelcunapac ñaupapi jatunyachigrini. Chashna ruhuacpimi, Moises-huan ima shinami carcani, chashnallatac canhuanpish, cashcata yachangacuna.

JOSUÉ 6:27

Mandac Diosca Josuehuanmi carca. Chaimantami Josuepac shutica tucui cai pachapi ricsishca can.

JUECES 2:18

Juezcunata churashpaca Mandac Diosca paicunahuanmi carca. Chaimantami tucui juezcuna causacui punzhapica paicunata piñaccunapac maquimanta quishpichirca. Mandac Diosca paicunata llaquichicpi, cuyaillata huacacpimi, israelcunataca quishpichirca.

JUECES 6:16

Shina nicpimi, Mandac Diosca: —Ñucami canhuanca casha. Canmi madianitacunataca shuclla runata shina atingui— nirca.

1 SAMUEL 10:7

Ñuca huillashcacuna chashnatac pactacpica, can imata ruhuasha nishcata ruhuailla. Diosca canhuanmi canga.