JOSUÉ 1:17 - Dios Rimashcata Quillcashcami

¹⁷ Moisés mandashcata ima shinami cazurcanchic, shinallatacmi cantapish cazushun. Mandac Dios ima shinami Moises-huan carca, chashnallatacmi canhuanpish cachun munanchic.

JOSUÉ 1:17 Iomraidhean Croise

2 SAMUEL 14:17

Cunanca, canta servic ñucaca: “Can jatun mandac imatapish allita ñucaman ruhuachunmi munani. Ñucata jatun mandaclla, Diospac ángel shina allitapish, mana allitapish ricushpa allichicmi cangui. ¡Chashna cashcamanta can jatun mandactaca Diosllatac pushashca cachun!” nishami— nirca.

1 REYES 1:37

Mandac Diosca ima shinami ñuca amo jatun mandac-huan carca, chashnallatac Salomonhuanpish cachun. Pai mandanataca ñuca amo can jatun mandac David mandacushcatapish ashtahuan jatunta ruhuashca cachun— nirca.

1 CRÓNICAS 28:20

Shinallatac paipac churi Salomontaca: «Sinchi, sinchi tucushpa, cushicushpa ruhuai callarilla. Ñucata Mandac Diosca canhuanmi. Chaimanta ama manchaichu, ama shaicuichu. Mandac Diosca paipac huasita tucuita alli ruhuashpa, tucuchingacaman cantaca manatac saquingachu, mana cungaringachu.

SALMOS 20:1

Llaqui punzhacunapi mañacpi, Dios uyachun. Jacobopac Diosca canta misachun.

SALMOS 20:4

Can munashcacunata cushpa, cambac shungupi yuyarishcacunata pactachichun.

SALMOS 20:9

¡Mandac Dioslla quishpichiyari! ¡Jatun mandaclla, ñucanchic mañashcata uyaiyari!

NÚMEROS 27:18

Shina nicpimi, Mandac Diosca Moisestaca: —Nunpac churi Josuemi chaicunata ruhuangapac alli, paita acllashpa, uma jahuapi maquita churai.

NÚMEROS 27:20

Shinallatac tucui israelcuna paita cazuchunca cambac mandana asha yuyaita paiman cui.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

DEUTERONOMIO 34:9

Nunpac churi Josueca Moisés maquita uma jahuapi churashcamantami alli yachac carca. Chaimantami israelcunaca Mandac Dios Moisesta mandashca shina Josué tucui nishcata cazurca.

JOSUÉ 1:16

Shina nicpimi, paicunaca Josuetaca: —Ñucanchicca can tucui mandashcacunatami pactachishun. Maiman richun nicpipish rishunllami.

JOSUÉ 1:18

Maijanpish can mandashcata mana cazushpa, cariyacca huañunami can. ¡Ama manchaichu, sinchi cailla!— nirca.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

JOSUÉ 4:14

Chai punzhami Mandac Diosca tucui israelcunapac ñaupapi Josuetaca jatunyachirca. Israelcunaca Moisesta cazushca shinallatac paitapish tucui causaipi cazurcacuna.

1 SAMUEL 17:37

Chashnallatacmi Davidca: —Mandac Diosca leonpac, osopac shimimantapish quishpichircami. Paillatacmi cai filisteo runapac maquimantapish quishpichinga— nirca. Shina nicpimi, Saulca Davidtaca: —¡Shina cashpaca rilla! Mandac Dios canhuan cachun— nirca.

1 SAMUEL 20:13

Ashtahuanpish ñuca taita canta llaquichisha nicushcata yachashca jahua mana huillacpica, Mandac Diosllatac sinchita, ñucata llaquichichun. Mandac Diosca ñuca taitata pushashca shinallatac cantapish alli pushachun.