JOSUÉ 1:14 - Dios Rimashcata Quillcashcami

¹⁴ Jordán yacumanta inti llucshina ladoman Moisés cushca llactapimi cancunapac huarmicunapish, huahuacunapish, animalcunapish saquiringa. Shina cacpipish, sinchita macanacuc runacunaca cancunapac huauqui israelcunata ayudangapac macanacunahuan pasachun.

JOSUÉ 1:14 Iomraidhean Croise

ÉXODO 13:18

Chaimantami chai shitashca pamba ñanta rishpa, ashtahuan caruta muyushpa, Puca Cuchata pusharca. Israelcuna Egiptomantaca allichirishpami llucshirca.

NÚMEROS 32:26

Ñucanchic huahuacuna, huarmicuna, animalcunaca cai Galaad llacta pueblocunapimi saquiringa.

DEUTERONOMIO 20:8

Cutinllatac quipa mandaccuna israelcunata rimashpaca: “¿Cancunapurapi maijantac manchaihuan, mana cashpaca shaicushca shina canguichic? Chashna cashpaca, huasiman cutichiclla. Pacta shuccunatapish manchaipi churanman” nirca.

DEUTERONOMIO 3:19

Ñuca cushca llactacunapica cancunapac huarmicunallata, huahuacunallata, cancunapac animalcunallata saquichic. (Cancuna achca animalcunata charishcataca ñucallatacmi yachani). Chaicunataca chai llactallapitac saquinguichic.

DEUTERONOMIO 33:21

Gadca mandaccuna japina sumac allpatami japirca. Mandaccuna tandanacucpica, Mandac Dios mandashcacunami ruhuarca. Mandac Dios imata ruhuachun nishcataca israelcunahuanmi pactachirca» nirca.

JOSUÉ 1:13

—Mandac Diosta servic Moisés mandashcata yuyarichic. Pai mandashpaca: “Cancunata Mandac Diosca samachishcami, cai allpatapish cushcami.

JOSUÉ 1:15

Chashnami cancunata Mandac Dios cancunata pasachishca shinallatac, cancunapac huauquicunata samachingacaman, shinallatac paicunapish Mandac Dios cushca allpata japingacaman ayudana canguichic. Chai quipaca Jordán yacumanta inti llucshina ladoman Mandac Diosta servic Moisés cancunaman cushca llactaman cutinguichicllami” nishcata yuyarichic— nirca.

JOSUÉ 4:12

Moisés mandashca shinallatacmi Rubenpac, Gadpac aillupish, Manasespac chaupi aillupish macanacunata apashpa, caishuc israelcunapac ñaupata pasarca.

APOCALIPSIS 17:4

Chai huarmica morado, shinallatac amsa puca churanata churashcami carca. Paica curihuanpish, sumac rumihuanpish, perlas-huanpish allichishca huarmimi carca. Chai huarmica millanayaitapish, huacllirishcatapish jundachishca curi copatami maquipi charicurca.