JONÁS 4:3 - Dios Rimashcata Quillcashcami

³ Cunanca, Mandac Dioslla, ñuca causaita quichuilla. Causanapac randica huañuimi ñucamanca ashtahuan alli— nirca.

JONÁS 4:3 Iomraidhean Croise

1 REYES 19:4

Paica shitashca pambata tucui punzha rishpami enebro yura ucuman chayashpa tiyarirca. Pai huañunata munashpaca: «¡Mandac Dioslla, caicamanllami causanata munani! ¡Ñuca causaita quichuilla! ¡Ñucaca ñaupa taitacunata yalli ashtahuan allipish mana canichu!» nirca.

ECLESIASTÉS 7:1

Mishquilla ashnacuc jambita yallica, tucuipac alli nishca canami alli. Huañuna punzhami, huacharina punzhata yalli ashtahuan alli.

ECLESIASTÉS 7:9

Piñarina atichunca ama saquinguichu. Mana entendic runapac yuyaipimi piñarina yuyaica tiyan.

JEREMÍAS 8:3

Chai millaita ruhuac runacunataca caita chaitami shic-huashpa cachasha. Cutin chai saquirishcacunaca causanapac randica, huañuimi ashtahuan munanga. Chaitaca tucuita Mandac Dios ñucami nini.

JONÁS 4:4

Shina nicpimi, Mandac Diosca: —¿Chashna yallita piñarishpaca, allitachu ruhuangui?— nirca.

JONÁS 4:8

Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.

NÚMEROS 11:15

Ñuca cashna llaquita apana cacpica, ñuca causaita quichuchunmi mañani. Cambac ñaupapi ñuca alli ricurishca cacpica, chaita ruhuailla. Cashna llaquitaca mana ashtahuan apasha ninichu— nirca.

NÚMEROS 20:3

Israelcunaca Moisestaca: «¡Mandac Diospac ñaupapi ñucanchic huauquicuna huañui horasllatac huañushca cashpachari alli canchicman carca!

1 CORINTIOS 9:15

Shina cacpipish, cancunamantaca imata mana japishcanichu. Cancunamanta imata japingapacpish mana quillcanichu. Pimanta imata mana chasquishpa, alli huillaita huillashpa cushicunata chingachinapac randica, huañunatami munani.