JONÁS 3:9 - Dios Rimashcata Quillcashcami

⁹ Mandac Dios pai piñarishcata pasachishpa, ñucanchicta llaquishpa, mana llaquichingapishchari» nichun cacharca.

JONÁS 3:9 Iomraidhean Croise

2 SAMUEL 12:22

Shina nicpimi Davidca: —Ñucaca huahua causacucpica: “Mandac Dios ñucata llaquicpica, huahuaca manapishchari huañunga” yuyashpami, ayunashpa huacacurcani.

SALMOS 106:45

Pai yallita llaquic cashpami paicunahuan ari nishcata yuyarishpa, paicunamanta mai llaquirca.

SALMOS 85:3

Piñarishca cashpapish tucuimi cungarircangui. Nina japiric shina piñarishca cashpapish, alli tucurcanguimi.

SALMOS 90:13

¡Mandac Dioslla, cutimuiyari! ¿Ima horascamantac cutimugringui? Canta serviccunata llaquiyari.

JEREMÍAS 26:13

Chaimanta cunanca mana allita ruhuashpa causashcamanta allichirishpa, Mandac Dios rimashcata cazuichic. Shina ruhuacpimi, Mandac Diosca cancunata llaquichinata saquinga.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

JONÁS 1:15

Chai quipami Jonasta japishpa, mama cuchapi shitarca. Shina shitacpica, mama cuchaca casilla tucushpa, mana ashtahuan cuyurircachu.

JONÁS 1:6

Shina sueñucucpimi, chai barcota purichiccunata mandacca: «¿Ima nishpatac canca sueñucunguilla? ¡Jatarishpa, cambac diosta mañai! Pai ñucanchicta llaquishpa quishpichingapishchari» nirca.

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

SOFONÍAS 2:3

Cai pacha humilde runacuna, Mandac Dios mandashcata cazuccuna, Mandac Diospacman cutirichicyari. Cashcata ruhuanata, mana piñarinata munaichicyari. Mandac Dios piñarishpa llaquichi punzhapica, paillatac huacaichingapishchari.

1 SAMUEL 6:5

Cancunapac llactata tucuchicuc chupu shinata, ucuchacuna shinata curimanta ruhuashpa israelcunapac Diostaca allimari cangui nichic. Chashna ruhuacpica cancunatapish, cancunapac dioscunatapish, cancunapac allpacunatapish, paipac poderhuan llaquichinataca saquingapishchari.