JONÁS 3:3 - Dios Rimashcata Quillcashcami

³ Shina nicpimi, Jonasca jatarishpa Mandac Dios mandashca shinallatac Nínive llactapi huillagrirca. Niniveca jatun pueblomi carca. Quimsa punzhata purishpami chai llactata tucuchic carca.

JONÁS 3:3 Iomraidhean Croise

GÉNESIS 22:3

Chai cayandi tutamanta utca jatarishpami, Abrahamca burrota parejashpa, paita ishcai serviccunatapish, paipac churi Isaactapish, rupachina yantatapish apashpa, Dios maiman richun nishcaman rirca.

GÉNESIS 30:8

Chaimanta Raquelca: «Mandac Dios ayudacpimi, ñuca ñañahuan chimbapurashpa atishcani» nishpami Neftalita shutichirca.

SALMOS 36:6

Cashcata can ruhuashcapish cambaclla jatun urcucuna shinami. Can mandashcacunaca jatun mama cucha yacu shinami. Mandac Dioslla, gentecunatapish animalcunatapish cambac maquipi charingui.

SALMOS 80:10

Chai yuracunapac llanduca urcucunatapish taparcami. Diospac cedro yuracunatapish chai ramacunami taparca.

ISAÍAS 37:37

Chaimantami Asiria llactata jatun mandac Senaqueribca Nínive llactaman rishpa, chaipi causarca.

JONÁS 1:2

«Jatari, jatun Nínive llactapi causaccunata llaquichina cashcata huillagri. Paicuna alli mana allita ruhuashcatami yachani» nirca.

JONÁS 4:11

Ñucaca, ¿manachu patsac ishcai chunga huaranga runacuna causana Nínive llactamantaca llaquisha? Paicunaca maijan alli lado maqui, lluqui lado maqui cactapish mana yachaccunami. Shinallatac animalcunapish chaipi tiyanmi— nirca.

2 TIMOTEO 4:11

Lucasllami ñucahuan can. Chaimanta Marcosta mashcashpa pushamui. Paica ima ruhuanapipish allitac ayudacmi.