JONÁS 1:6 - Dios Rimashcata Quillcashcami

⁶ Shina sueñucucpimi, chai barcota purichiccunata mandacca: «¿Ima nishpatac canca sueñucunguilla? ¡Jatarishpa, cambac diosta mañai! Pai ñucanchicta llaquishpa quishpichingapishchari» nirca.

JONÁS 1:6 Iomraidhean Croise

2 SAMUEL 12:22

Shina nicpimi Davidca: —Ñucaca huahua causacucpica: “Mandac Dios ñucata llaquicpica, huahuaca manapishchari huañunga” yuyashpami, ayunashpa huacacurcani.

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

SALMOS 107:6

Chashna llaquihuan cashpami Mandac Diosta caparishpa mañarcacuna. Paimi chai llaquicunamantaca quishpichirca.

SALMOS 78:34

Shina huañuchicucpimi, Diosta mashcarcacuna. Shinami tucui munaihuan mana shaicushpa mashcarcacuna.

ISAÍAS 3:15

Ñuca acllashca llactataca, ¿imamantatac llaquichinguichic? ¿Imamantatac huacchacunataca ñahuipi sarunguichic?” nishpami, Mandac Diosca riman.

EZEQUIEL 18:2

«Israel llactapi yuyaita cuc rimaicunata rimashpaca: “Taitacuna jayac uvasta micushcamantami churicunaca quiruta nanachin” nincunami. Chaica, ¿imatatac yuyachin?

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

JONÁS 3:8

Gentecunapish, animalcunapish sharpa churanata churarishpa, Mandac Diosta caparishpa mañachun. Mana allita ruhuashcamanta, maijanta llaquichishcamanta llaquirishpa Diosta caparishpa mañachun.

JONÁS 3:9

Mandac Dios pai piñarishcata pasachishpa, ñucanchicta llaquishpa, mana llaquichingapishchari» nichun cacharca.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

ROMANOS 13:11

Tucui caicunataca cunan punzhapi ima tucushcata ricushpa yuyarichic. Ñucanchic crishca punzhamanta ricucpica, quishpichina punzhaca ñami shamucun. Chaimanta ama sueñucuichicchu, ashtahuanpish riccharishca shina caichic.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.