JOEL 3:6 - Dios Rimashcata Quillcashcami

⁶ Judá llactapi, Jerusalenpi causaccunapac huahuacunataca paicunapac llactacunamanta caruman cachangapacmi Grecia llacta runacunaman caturcanguichic.

JOEL 3:6 Iomraidhean Croise

EZEQUIEL 27:13

Grecia, Tubal, Mesec llacta gentecunahuanmi randishpa, catushpa causarcangui. Paicunaca gentecunahuan, broncemanta ruhuashcacunahuanmi randic carca.

JOEL 3:3

Suerteta ruhuashpami, ñuca acllashcacunataca chaupinacurca. Churicunataca cullquimanta huainayac huarmihuanmi cambiarca. Ushicunataca vinota ubiangapacmi caturca.

JOEL 3:8

Cancunapac churicunata, ushicunataca Judá llactapi causaccunamanmi catusha. Cutin paicunaca caru llactapi cac Sabá llacta runacunamanmi catunga. Chaitaca Mandac Dios ñucami nini.

ZACARÍAS 9:13

Judá llactapi causaccunataca ñuca arco shina cachunmi allichisha. Efraín aillutaca flecha shinatami ruhuasha. Sionpi causaccunataca paicunata piña runacunapac espada shinatami ruhuasha. Cancunapac churicunamanca Grecia llactapi causaccunata llaquichichunmi macana yuyaita cusha.

DEUTERONOMIO 28:32

Cancunapac churicunapish, ushicunapish shuctac gentecunapac maquipi churashcami canga. Chaicunata punzhanta ricushpaca shungupi llaquiringuichicmi. Shina cashpapish mana imata ruhuai pudinguichicchu.

DEUTERONOMIO 28:68

Mandac Diosca: “Egipto llactamanca manatac cai ñantaca cutinguichicchu” nircami. Shina cacpipish, chai ñanllatatacmi barcopi apanga. Chai llactapimi caripish, huarmipish cancunata piñaccunata servingapac caturisha ninguichic. Shina yuyacucpipish pi mana randisha ningachu» nirca.