JOEL 3:5 - Dios Rimashcata Quillcashcami

⁵ Cancunaca ñuca cullquita, curita, sumac charinacunata quichushpami, cancunapac dioscunapac huasicunaman aparcanguichic.

JOEL 3:5 Iomraidhean Croise

2 REYES 12:18

Chaimantami Judá llactata jatun mandac Joasca Judá llactata ñaupa taita Josafat, Joram, Ocozías Mandac Diosman cushca ofrendata shinallatac pai cushca tucui curitapish, jatun mandacpac huasipi tiyashca curitapish japishpa, Siria llactata jatun mandac Hazaelman cuchun cacharca. Chaimantami Hazaelca Jerusalenmantaca rircalla.

2 REYES 16:8

Mandac Diospac huasimantapish, jatun mandacpac huasimantapish allichishca cullqui, curita japishpami, Acazca Asiria llactata jatun mandacman cuchun cacharca.

2 REYES 24:13

Chai quipami Nabucodonosorca Mandac Diospac huasipi, mandana huasipi tucui alli huacaichishcacunata llucchirca. Chai curimanta ruhuashca charinacunataca tucuimi ñutuchirca. Chai charinacunataca Israel llactata jatun mandac Salomonmi Mandac Dios nishca shinallatac Mandac Diospac huasipi charingapac ruhuachishca carca.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

JEREMÍAS 23:7

Chai punzhacunapica: “¡Israelcunata Egiptomanta llucchimuc Mandac Diospac shutipi ari nini!” ninaca mana tiyangachu. Chaitaca Mandac Dios ñucami nini.

JEREMÍAS 50:28

Babilonia llactamanta miticushpa shamuccuna caparishcatami uyani. Mandac Diosmi Babilonia llactapi causaccunata paipac huasita urmachishcamanta llaquichishami nishcata pactachicushcata Sionpi huillangapac shamun.

JEREMÍAS 51:11

Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

EZEQUIEL 37:12

Chaimanta paicunaman huillashpaca, Mandac Diosca: Ñuca acllashcacunalla, cancunataca enterrashca jutcucunata pascashpa, llucchishpami Israel llactaman pushamusha.

DANIEL 11:38

Chaipac randica macanacuipi sinchiyachic dioscunata, paipac taitacuna mana ricsishca dioscunatami alli ninga. Chai dioscunaman curita, cullquita, sumac rumicunata, ima valishcacunata cushpami alli ninga.

ABDÍAS 1:17

Ashtahuanpish Sión urcupica, maijan quishpirishcacuna tiyangaracmi. Chai urcuca Diospaclla chicanyachishcami canga. Jacobopac huahua huahuacunapish paicunapac allpataca cutinmi japinga.