JOEL 3:2 - Dios Rimashcata Quillcashcami

² tandachishpami, Josafat pambaman cachasha. Chaipimi ñuca acllashca israelcunata llaquichiccunataca ñucapish taripashpa llaquichisha. Paicunami ñuca acllashcacunataca shuctac llactacunaman caita chaita cachashpa, ñuca allpatapish chaupinacurca.

JOEL 3:2 Iomraidhean Croise

2 CRÓNICAS 20:26

Chuscu punzha tucucpica, Beraca pugru pambapi tandanacushpami Mandac Diosta alli nircacuna. Chaimantami chai pambataca Beraca pugru pamba nishpa shutichirca. Chai pambaca cunancamanmi chai shutillatac can.

ISAÍAS 66:16

Mandac Diosca tucui gentecunatami ninahuan, espadahuan llaquichishpa taripanga. Mandac Dios huañuchishcacunaca achcami canga.

ISAÍAS 66:18

Ñucaca paicuna imata ruhuashcatapish, imata yuyaricushcatapish yachanimi. Tucui llactamanta chican chican rimaita rimac, tucui runacunata tandachina punzhacunami chayamunga. Paicuna shamushpami, ñuca poderta ricunga.

JEREMÍAS 12:14

Mandac Diosca: «Ñuca acllashca israelcunaman cushca llactatapish, chai ladopi causaccunatapish llaquichiccunataca llucchishpami cachasha. Shinallatac Judá llacta gentecunatapish paicunapac chaupimanta llucchishpami cachasha.

JEREMÍAS 25:31

Pai piñarishpa culun nishcaca cai pacha tucuricamanmi uyaringa. Mandac Diosca tucui cai pachapi causaccunapac Juez cashpami, tucui llactapi causaccuna imata ruhuashca shinallatac llaquichinga. Paita mana manchaccunataca huañuchiccunamanmi cusha. Chaitaca Mandac Dios ñucami nini” ninmi ningui» nirca.

JEREMÍAS 49:1

Mandac Diosca Amonta llaquichinamanta rimashpaca: «¿Manachu israelcunaca huahuacunata charin? ¿Manachu paicunaca herenciata japiccunata charin? ¿Imamantatac Milcom diosca Gad aillupac llactata quichushca? ¿Imamantatac paipac gentecunarac chai llactacunapi causacun?

JEREMÍAS 50:17

Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.

EZEQUIEL 25:8

Mandac Diosca: Moab, Seir llactacunapi causaccunaca: ‘¡Judá llactaca shuctac llactacuna shinallatacmi!’ nincunami.

EZEQUIEL 34:6

Ñuca ovejacunaca chingarishpami urcucunata, lomacunata purirca. Tucui cai pachatami caita chaita rircacuna. Chashna cacpipish, pi mana mashcarcachu, pi mana tapurcachu.

EZEQUIEL 35:10

Mandac Dios ñucallatac Israel llactapi cacpipish canca: ‘Israel llactatapish, Judá llactatapish japisha’ nircanguimi.

EZEQUIEL 36:1

Huañunalla runa, Israel llacta urcucunata rimashpaca: “¡Israel llactapi tiyac urcucunalla, Mandac Dios rimashcata uyaichic!

EZEQUIEL 36:5

Chaimantami Mandac Dios ñucaca: Shuctac llactapi causaccunapish, Edom llactapi causaccunapish, ñuca llactataca cushicushpami japirca. Chaipi causaccunata yallita piñashpami, prezu aparca. Chaimantami ñucaca nina japiric shina yallita piñarishpa rimarcani.

EZEQUIEL 38:22

Jatun mandac Gogtaca ungüihuan huañuchishpami, yallita llaquichisha. Paipac soldadocunatapish, paihuan cac gentecunatapish manchana tamya runduhuan, nina azufrehuanmi yallita llaquichisha.

EZEQUIEL 39:11

Chai punzhami Israel llactapica jatun mandac Gogta maipi enterranata ricuchisha. Inti llucshina lado, mama cuchaman rina pambapimi jatun mandac Gogtapish, paipac gentecunatapish enterranga. Chaita puriccunapish, mana ashtahuan chaita pasangachu. Chai pambataca Hamón-gogtami shutichinga.

JOEL 3:12

Mandac Diosca: «Tucui llactacunapi causaccuna riccharishpa, Josafat pambaman richicyari. Ñucaca tucui muyundi llactacunapi causaccunata taripangapacmi tiyarisha.

JOEL 3:14

Mandac Dios llaquichina punzhaca ñami chayamun. Pai taripana pugru pambapica, tiyu shina, gentecunami tandanacushca.

AMÓS 1:11

Mandac Diosca: «Edom llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca quiquin huauquicunatami mana llaquishpa, espadahuan huañuchirca. Paicunaca yallita piñarishpami, paicuna munashcata ruhuashpa llaquichishpa causarca.

MIQUEAS 4:12

Ashtahuanpish paicunaca Mandac Dios imata yuyaricushcatapish, pai cunacushcatapish mana yachanchu. Chashnami Mandac Dios gavillata trillana pambapi tandachishca shina cashpapish mana yachancuna.

SOFONÍAS 3:8

Chaimanta llaquichina punzha chayangacaman shuyaichic. Ñucaca tucui llactacunata tandachingapac, jatun mandaccuna mandana llactacunata nina japiric shina llaquichinatami yuyarircani. Chaimantami nina japiric shina piñarishpa, tucui cai pachata tucuchisha. Chaitaca Mandac Dios ñucami nini.

APOCALIPSIS 11:18

Tucui llactacunapi causaccunami piñarishca. Can piñarishpa llaquichina punzhami chayamushca. Chai punzhaca huañushcacunata taripana, cambacta ruhuac can ima nishcata huillaccunaman, cambaclla caccunaman, cambac shutita alli niccunaman, jatunman cashpa, uchillaman cashpa japina cashcata cuna punzhami can. Shinallatac cai pachata llaquichiccunata tucuchina punzhami chayamushca» nircacuna.

APOCALIPSIS 16:14

Chaicunaca pi mana ruhuaipacta ruhuashpa ricuchic, supaipac millai espiritumi carca. Chaicunaca tucui cai pachapi tiyac jatun mandaccunapacman rishpami, tucui poderta charic Diospac jatun macanacuna punzhapi macanacungapac tandachigrirca.

APOCALIPSIS 16:16

Chai millai espiritucunaca hebreo rimaipi Armagedón nishca pambapimi tucui mandaccunata tandachirca.

APOCALIPSIS 16:6

Paicunami cambaclla caccunatapish, canmanta huillaccunatapish yahuarta jichashpa huañuchircacuna. Paicunaca chashna chasquina cashcamantami, canpish chashnallatac paicunamanca yahuarta ubiachishcangui» nishcatami uyarcani.

APOCALIPSIS 20:8

Paimi gentecunaman llullashpa crichingapac, tucui cai pachapi tiyac llactacunata puringa. Shinami Gog nishca, Magog nishca soldadocunatapish macanacungapac tandachinga. Chai soldadocunaca mama cuchapi tiyac tiyu shinami can.