JOEL 2:6 - Dios Rimashcata Quillcashcami

⁶ Paicunapac ñaupapica tucuimi chucchushpa, llaquilla ñahui tucunga.

JOEL 2:6 Iomraidhean Croise

SALMOS 119:83

Cushnipi huarcushca cara shina cashpapish, quillcashpa mandashcataca mana cungarircanichu.

ISAÍAS 13:8

Yallita mancharingacunami. Paicunataca mancharina llaquicuna, nanaicunami japinga. Shuc huarmi sajuarina nanaihuan cac shinami nanachinga. Mancharinacushpami caishuc chaishuc ñahuita ricunacunga. Ñahuicunaca nina japiricuc shinami pucayanga.

JEREMÍAS 30:6

Tapunacuichic. ¿Shuc carica huahuata sajuarinchu? Ñucaca, ¿imamantatac caricuna sajuarina nanaihuan cac huarmi shina, cinturata maquihuan japirishpa, ñahuicunapish yuracyashpa, shayacucta ricurcani?

JEREMÍAS 8:21

Ñuca llactapi causaccuna yallita llaqui tucushcamantami ñucapish yalli llaquihuan cani. Duelo churanata churarishca shinami jatun manchaihuan cani.

LAMENTACIONES 4:8

Cunanca cullintapish yalli yanami tucushca. Ñancunapi tupacpipish, pi mana ricsinchu. Carapish tullupi tucui llutarishpami chaquishca caspi shinami saquirishca.

NAHÚM 2:10

¡Tucuita tucuchishca, shitashca pamba shinami saquirishca! Shungupipish huañunalla shinami tucushca. Changacunapish chucchunmi, lomotapish nanachinmi, ñahuipish quilluyashcami.

NAHÚM 2:11

¿Maipitac leoncuna miticunaca? ¿Maipitac huahua leoncunapac machaica? ¿Maipitac cari leonpish, huarmi leonpish, huahua leonpish pi mana manchachishca causac carca?