JOEL 2:32 - Dios Rimashcata Quillcashcami

³² Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

JOEL 2:32 Iomraidhean Croise

GÉNESIS 4:26

Shinallatac Setca shuc cari huahuatami charirca. Paitaca Enostami shutichirca. Chai punzhamantami gentecunaca Mandac Diosta mañai callarirca.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

ISAÍAS 10:22

Israelcunaca, mama cucha patapi tiyac tiyu shina achca cashpapish maijancunallami cutiringa. Mandac Diosca paicunata llaquichinata yuyarishcami. Cashcata ruhuashpami llaquichinga.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 11:16

Mandac Dios acllashcapuramanta maijan saquirishcacunataca Egiptomanta ñanta pascashpa huichai pushamushca shinami, Asiria llactamantaca pushamunga. Chai punzhapi israelcunaman ñan tiyashca shinami, ñan tiyanga.

ISAÍAS 4:2

Chai huatacunapica Mandac Diospac retoñoca sumaimanami huiñanga. Chai llactapi pucushca granoca maijanlla saquirishca israelcunamanca sumac nishcapish, alli nishcapishmi canga.

ISAÍAS 46:13

Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

AMÓS 9:8

Mandac Diosca: «Juchayuc llactataca piñacunimi. Chaimantami cai llactapi causaccunataca llaquinayaita llaquichishpa tucuchisha. Shina llaquichishpapish, Jacobopac huahua huahuacunataca mana tucui tucuchishachu.

ABDÍAS 1:17

Ashtahuanpish Sión urcupica, maijan quishpirishcacuna tiyangaracmi. Chai urcuca Diospaclla chicanyachishcami canga. Jacobopac huahua huahuacunapish paicunapac allpataca cutinmi japinga.

ABDÍAS 1:21

Esaupac urcupi quishpirishca runacunaca mandangapacmi Sión urcuman huichai ringa. ¡Chashnami mandanaca Mandac Diospaclla canga!

MIQUEAS 5:3

Shuc huarmi huicsayuc tucushpa, sajuaringacaman, maijan saquirishca paipac huauqui israelcuna cutimungacamanmi llactallata saquinga.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

SAN JUAN 10:16

Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN JUAN 4:22

Cancunaca pita mañacushcata mana yachanguichicchu. Ñucanchicca pita mañacushcataca yachanchicmi. Diosca israelcunapuramantami Quishpichicta cachasha nishca.

HECHOS 15:17

Chashna ruhuacpimi, tucui llactamanta mana israelcuna cashpapish, ñuca cuyashcacunaca ñucata mañanata yuyaringa.

HECHOS 2:39

Chaitaca Mandac Diosmi cancunamanpish, cancunapac huahuacunamanpish, tucui carupi causaccunamanpish, tucui pai acllashcacunaman cusha nishca— nirca.

ROMANOS 11:26

Chai quipaca, tucui israelcunami quishpiringa. Dios quillcachishcapica: «Sión pueblomantami Quishpichic shamunga. Jacobopac huahua huahuacunapac juchacunatami anchuchinga.

ROMANOS 11:5

Chai shinallatacmi cunanpish Diosca paipac cuyaillamanta maijancunata acllashca.

ROMANOS 11:7

Shinashpaca, ¿imatatac nishun? Israelcunaca paicuna mashcacushcataca mana japircachu. Ashtahuanpish Dios acllashcacunallami japirca. Shuccunaca rumi shungumi tucurca.

ROMANOS 9:24

Diosca ñucanchictaca israelcunapuramantapish, mana israelcunapuramantapishmi acllarca.

ROMANOS 9:27

Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,