JOEL 2:19 - Dios Rimashcata Quillcashcami

¹⁹ Mandac Diosca paicuna mañashcata uyashpaca: «Ñuca micunatapish, llullu vinotapish, aceitetapish cucpi, mana nicta micunguichicmi. Llactacunapi burlashpa pingaichichunpish mana saquishachu.

JOEL 2:19 Iomraidhean Croise

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

EZEQUIEL 34:29

Sumac granota pucuc yuracunatami paicunamanca cusha. Cai llactapica mana ashtahuan yarcaihuan huañungacunachu. Shuctac llactapi causaccunapish ña mana ashtahuan burlashpa pingaichingachu.

EZEQUIEL 36:15

Shuctac llactapi causaccunapish ña mana ashtahuan camishpa rimangachu, ña mana burlashpa asingachu. Huahuacunapish mana ashtahuan huañungachu. Chaitaca Mandac Dios ñucami nini” ninmi ningui» nirca.

EZEQUIEL 36:29

Cancunamantaca tucui mapatami anchuchisha. Yarcai ama tiyachunca achca trigotami pucuchisha. Yarcaica ña mana ashtahuan tiyangachu.

EZEQUIEL 36:30

Shuctac llacta gentecuna cancuna yarcaihuan cacpi, jaicapi ama rimachunmi yuracunapi pucuc, allpa ucupi pucuc granocunatapish achcata pucuchisha.

EZEQUIEL 39:29

Ñucaca jaicapi paicunataca mana saquishachu. Ashtahuanpish paicunapica ñuca Espiritutami churasha nini” ninmi ningui» nirca.

OSEAS 2:15

Chaipimi paipac uvas chagrataca cutichisha. Chaipimi Acor pugru pambataca cushicushpa, shuyana pambata ruhuasha. Chashna ruhuacpimi, huambrarac cashca punzhacunapi shina, Egipto llactamanta llucshimui punzhapi shina cantanga.

OSEAS 2:21

Chai punzhapica Mandac Dios ñuca jahua pachata mañacpica, jahua pachaca cai pacha mañashcata uyangami.

OSEAS 2:22

Chaimantami allpapica trigopish, uvaspish, olivospish pucunga. Tucui chai granocunaca Jezreelpacmi canga.

JOEL 1:10

Pambacunapish llaquinayaita tucuchishcami siricun. Trigo chagrapish, llullu vinopish, aceitepish chaquishpa tucurishcami.

JOEL 2:24

Trillana pambapish trigo parbascuna jundami canga. Uvasta cutana pambapica llullu vinopish, aceitepish huacaichina jundami canga.

LEVÍTICO 26:5

Trigota trillana manarac tucuricpimi, uvasta pallana punzhacunaca chayamunga. Uvasta manarac tucui pallacpimi, tarpuna punzhacuna chayamunga. Cancunaca mana nicta micushpami, cancunapac llactapica imatapish mana manchashpa causanguichic.

ZACARÍAS 8:12

Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

DEUTERONOMIO 11:14

punta tamyatapish, quipa tamyatapish cachangami. Chaimantami granotapish, vinotapish, aceitetapish japinguichic.

RUT 1:6

Noemica Moab llactapi cashpami: “Mandac Diosca pai acllashcacunata llaquishpami cutinllatac granota pucuchi callarishca” nicta uyarca. Shina uyashpami paipac ishcai nueracunandi Moab llactamanta cutirca.