JOEL 2:1 - Dios Rimashcata Quillcashcami

¹ Mandac Diosca: «¡Sión urcupi cornetapi tocashpa, caparishpa huillaichicyari!» ninmi. Mandac Dios llaquichina punzhami pactamun. ¡Tucui cai pachapi causaccunapish chucchuichicyari!

JOEL 2:1 Iomraidhean Croise

1 CRÓNICAS 15:28

Chashnami Davidca Mandac Dios ari nishca quillcata huacaichina Arcataca tucui israelcunahuan yallita cushicushpa, cantashpa, bocinacunapi, trompetacunapi, platillocunapi salteriocunapi, sinchita tocashpa aparcacuna.

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

SALMOS 87:1

Sión pueblo callari rumicunaca Diospaclla urcupimi.

ÉXODO 10:14

Chai langostacuna llucshishpami, tucui Egipto llactata taparca. Cashna langostacunaca jaicapi mana tiyashcachu, shinallatac manatac tiyangachu.

ISAÍAS 13:6

Mandac Dios llaquichina punzhami chayamun. Chaimanta caparishpa huacaichicyari. Paica tucui poderhuanmi llaquinayaita tucuchingapac shamun.

ISAÍAS 13:9

Riquichic, Mandac Dios yallita llaquichina punzhami chayamucun. Paica nina japiric shina, piñarishpami shamunga. Chashnami cai pachata shitashca pambata shina ruhuashpa, cai pachamanta juchataca tucui tucuchinga.

ISAÍAS 2:12

Mandac Dios, jatun tucushpa puriccunata, cari tucushcacunata, jatun tucushcacunata llaquichina punzhami chayamugrin. Chaipimi paicunaca cumuringa.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

JEREMÍAS 16:10

Cai gentecunaman cai tucuita huillacpica paicunaca: “¿Ima nishpatac Mandac Diosca ñucanchictaca yallita llaquichisha nishpa huillachicunyari? Ñucanchicca, ¿ima mana allitatac ruhuashcanchicyari? Mana cashpaca, ¿ima juchata ruhuashpatac ñucanchic Mandac Diostaca piñachishcanchicyari?” ningami.

JEREMÍAS 16:7

Llaquihuan cashpa, cushichina micunatapish pi mana carangachu. Shinallatac taita mama huañushcamanta llaquilla cacpipish, cushichina ubianata pi mana cungachu.

JEREMÍAS 4:5

Mandac Diosca: «Judá llactapipish, Jerusalenpipish: “¡Cai llactapi cornetapi tocaichic!” nichicyari. Shinallatac sinchita caparishpa: “¡Muyundita pircashca llactacunaman tandanacushpa yaicushunchic!” nichicyari.

JEREMÍAS 5:22

¿Manachu ñucataca manchanguichic? Ñuca ñaupapica, ¿manachu chucchunguichic? Ñucami tiyu allpataca mama cucha patapi huiñai huiñaita lindero cachun churarcani. Mama cucha sinchita huac nishpa shamushpapish mana pasangachu.

EZEQUIEL 12:23

Canca: “Mandac Diosca: Yuyachic shimicunataca chingachishami. Chaitaca cai Israel llactapica jaicapi mana rimangachu. Ashtahuanpish punzhacunaca ñami chayamushca, muscuipi shina ricushcapish tucuimi pactamushca.

EZEQUIEL 21:12

Huañunalla runa, yallita caparishpa huacaiyari. Chai espadaca ñuca acllashcacunatapish, Tucui Israel llactata mandaccunatapish llaquichingapacmi tiyacun. Chaihuanmi mandaccunatapish, ñuca acllashcacunatapish espadahuanmi huañuchinga. Chaimanta cambac changata huactariyari.

EZEQUIEL 30:3

Ñuca llaquichina punzhaca caillapimi, ñami chayamucun. Chai llaquichicui punzhaca puyu tapashcami canga.

EZEQUIEL 33:3

Chai runaca ñuca cachashca jatun macanacui shamucpica, cornetapi tocashpa, gentecunaman uyachichun.

EZEQUIEL 33:6

Jatun macanacui shamucta ricushpapish chai cuidac runa cornetapi mana tocashpa uyachicpi, maijan mana miticushpa, jatun macanacuipi huañuchicpica, paipac juchamantami huañunga. Shina cashpapish paipac yahuarmantaca cuidac runami juchanchishca canga.

EZEQUIEL 7:10

¡Chai punzhaca chayamushcatacmi! Millaita ruhuanapish, jatun tucunapish yallitami mirashca.

EZEQUIEL 7:12

Chai punzhapish, chai horaspish chayamushcami. Imata randishpapish ama cushicuchun, imata catushpapish ama llaquirichun. Ñuca piñarishpa cachashca llaquicunaca tucuitami llaquichinga.

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

DANIEL 9:16

Mandac Dioslla, cashcata ruhuac cashca shinallatac Jerusalenmanta, cambaclla chicanyachishca urcumanta cambac nina japiric shina yallita piñarishcata anchuchiyari. Ñucanchic juchacunamanta, ñucanchic taitacuna millaita ruhuashcamantami ñucanchic muyundipi causaccunaca Jerusalentapish, can acllashcacunatapish burlashpa rimancuna.

DANIEL 9:20

Ñucaca, ñucata Mandac Diospac ñaupapi ñuca juchacunata, israelcunapac juchacunata huillashpa, Diospaclla urcumanta mañacurcanimi.

OSEAS 5:8

¡Gabaapica cornetapi tocaichicyari! ¡Ramapica trompetapi tocaichicyari! Bet-avenpi caparishpa: “¡Efraín aillulla chucchuichicyari!” nishpa caparichicyari.

OSEAS 8:1

Mandac Diosca: «¡Ñuca huasitaca angacuna shinami, llaquichingapac shamun! ¡Chaimanta trompetapi tocashpa macanacuita huillaiyari! Ñucahuan ari nishcata paquishpami ñuca mandashcata mana cazurca.

JOEL 1:15

Mandac Dios llaquichina punzhami ña pactamun. ¡Tucuita ruhuac Dios yallita llaquichishpami tucuita tucuchinga! ¡Aij, chai punzhaca yalli llaqui punzhami canga!

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

JOEL 2:15

¡Sión urcupi cornetapi tocaichic! ¡Tandanacushpa ayunachun huillaichic!

JOEL 2:31

Mandac Dios ñuca cachashca jatun mancharina punzha manarac chayamucpimi, intica amsayanga, quillaca yahuar shina tucunga.

JOEL 3:14

Mandac Dios llaquichina punzhaca ñami chayamun. Pai taripana pugru pambapica, tiyu shina, gentecunami tandanacushca.

JOEL 3:17

Mandac Diosca: «Ñucapaclla cac Sión urcupi causac cancunapac Mandac Diosca ñucami cani. Chaitaca yachaichicyari. Ñucapaclla Jerusalentaca shuctac gentecunaca mana ashtahuan pasangachu.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

AMÓS 5:18

¡Aij, Mandac Dios shamuna punzhata shuyaccunalla! Pai shamuna punzhaca achic canapac randica tutami canga. ¿Imapactac Mandac Dios shamuna punzhata shuyanguichic?

AMÓS 8:2

Shina ricuchishpaca: —Amós, ¿imatatac ricungui?— nirca. Shina nicpimi ñucaca: —Usyai punzhacunapi pucushca taza frutatami ricuni— nircani. Shina nicpimi, Mandac Diosca: —¡Ñuca acllashca israelcunata mana llaquishpa, tucuchina punzhami chayamun!

ABDÍAS 1:15

Tucui llactacunata yallita llaquichina punzhaca ñami chayamucun. Ima shinami shuccunata yallita llaquichircangui, chashnallatacmi cantapish llaquichinga. Chashna llaquichishcamantaca canpish llaquichishcami cana cangui.

SOFONÍAS 1:14

Mandac Dios llaquichina punzhami ña shamucun. Chai punzhaca utcami chayamucun. Mandac Dios llaquichicui punzhaca jatun llaqui huacaimi canga. Chai punzhaca yalli sinchi runapish llaquinayaitami caparinga.

SOFONÍAS 1:16

Chai punzhaca trompetapi tocashpami llacta muyundi jatun pirca jahuamantapish, jatun torre jahuamantapish caparinga.

SOFONÍAS 1:7

¡Mandac Diospac ñaupapi upalla caichic! ¡Mandac Dios llaquichina punzhami pactamucun! Mandac Diosca animalta huañuchic shina ruhuangapacmi allichishca. Chaipacmi paicunata piñachiccunata cayashca.

SOFONÍAS 3:11

Chai punzhapica ñucata mana cazushpa, jatun tucuc runacunataca cancunapac chaupimantaca anchuchishami. Chaimantami ñucata mana cazushpa, mana allita ruhuashcacunamantaca mana pingai tucunguichic.

ZACARÍAS 14:1

Mandac Dios shamuna punzhami ña pactamun. Cancunamanta imata quichushcataca cancunapac chaupillapitacmi chaupinga.

ZACARÍAS 8:3

Ñucaca Sionman cutimushpami, Jerusalén chaupipi causasha. Jerusalenca cashcata nic llacta nishcami canga. Tucuita Mandac Dios ñucapaclla Sión urcuca ñucapaclla chicanyachishca urcumi canga.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

NÚMEROS 10:2

«Martillohuan huactashpa cullquimanta ishcai trompetata ruhuai. Chaicunaca israelcunata tandachingapac, shinallatac carpa huasicunata shucman apana cashcata huillangapacmi canga.

NÚMEROS 10:3

Ishcai trompetacuna tocashca uyaricpica, tucui israelcunami ñucahuan tupana huasi yaicunapi canhuan tandanacunga.

1 CORINTIOS 14:8

Corneta macanacuiman cayana tonopi mana uyaricpica, ¿pitac macanacungapac allichiringayari?

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

1 TESALONICENSES 5:2

Cancunallatac Apunchic Jesús shuc shuhuac tuta shamuc shina, mana yuyashca horas cutimuna cashcataca, alli yachanguichicmi.

SANTIAGO 5:8

Apunchic Jesucristo cutimuna ña pungullapi cashcamantaca, cancunapish chai shinallatac mana piñarishpa sinchita caticuichiclla.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

APOCALIPSIS 6:17

Paicuna yallita piñarishpa llaquichina punzhami shamushca. ¿Chai llaquita apanataca pitac pudingayari?» nircacuna.