JOEL 1:19 - Dios Rimashcata Quillcashcami

¹⁹ Mandac Dioslla, canllatami caparishpa mañasha. Michina pambatapish, tucui sacha yuracunatapish nina llamasmi tucuchicun.

JOEL 1:19 Iomraidhean Croise

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

JEREMÍAS 14:4

Chai llactapi mana tamyacpimi, allpapish yallita chaquirca. Allpapi trabajaccunaca yallita pingaihuan umata taparin.

JEREMÍAS 3:9

Chashna juchallishca paicunapac yuyaipi ashalla cacpimi, rumi, caspi dioscunata adorashpa, tucui llactata mapayachirca.

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

JEREMÍAS 9:9

Chashna ruhuacushcamantaca, ¿manachu llaquichina cani? Chai llacta chashna ruhuashcamantaca, ¿manachu ñucapish chashnallatac ruhuana cani? Chaitaca Mandac Dios ñucami nini.

JOEL 2:3

Paicunaca ñaupatapish, huashatapish tucuita rupachishpami saquinga. Paicuna manarac pasacpica, chai allpaca Edén huerta shina sumacmi carca. Ña pasa ricpica, shitashca pambami saquiringa. ¡Pipish mana saquiringachu!

AMÓS 1:2

Amosca: «¡Sión urcumanta, Jerusalenmantami Mandac Diosca león huacac shina caparishpa uyaringa! Michinapish mana tiyangachu. Carmelo urcupish chaquingami» nirca.

AMÓS 7:4

Mandac Diosca caitapish ricuchircami. Mandac Dios ninahuan llaquichishpa, taripangapac tandachicuctami ricurcani. Chai ninami mama cuchatapish, llacta achca allpatapish rupachircani.

MIQUEAS 7:7

Ashtahuanpish ñucaca Mandac Diospac maquipimi casha. Ñucata quishpichic Diostami shuyasha. ¡Ñucata Mandac Diosca ñuca mañashcataca uyangami!

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

SAN LUCAS 18:7

Diosca, ¿manachu pai acllashcacuna tutapish, punzhapish mañacucpica uyanga? ¿Mañashcata cungapac unayangachu?