JOEL 1:14 - Dios Rimashcata Quillcashcami

¹⁴ Tandanacuchun, ayunachun cayaichicyari. Pushac yuyaccunatapish, cai llactapi tucui causaccunatapish, cancunata Mandac Diospac huasiman tandachishpa, Mandac Diosta caparishpa mañaichicyari.

JOEL 1:14 Iomraidhean Croise

2 REYES 10:20

Shina shamucpimi Jehuca: «¡Baal diosta yuyaringapac shuc punzhata chicanyachichic!» nirca. Shina nicpimi, paicunaca tucui tandanacurca.

2 CRÓNICAS 20:13

Tucui Judá llactapi causaccunami uchilla huahuacunandi, huarmicunandi, churicunandi Mandac Diospac ñaupapi shayacurca.

NEHEMÍAS 8:18

Esdrasca Dios mandashcataca callari punzhamanta canchis punzhacamanmi punzhanta rezacurca. Chai jatun fiestata canchis punzhacaman ruhuashpaca pusac punzhapica ima shina ruhuachun mandashca shinallatacmi jatun tandanacuita ruhuarcacuna.

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

JEREMÍAS 14:2

«Judá llactapi causaccunaca duelo churashcami. Llacta pungucunapish ña urmanallami. Chaipi causaccunaca yalli llaquihuanmi allpapi siririn. Jerusalenpica caparishpa huacashcami uyarin.

JEREMÍAS 36:9

Josiaspac churi jatun mandac Joacim Judá llactata pichca huata iscun quillata mandacucpimi, tucui Jerusalenpi causaccunatapish, Judá llactacunamanta Jerusalenman shamuccunatapish, Mandac Diospac huasipi ayunachun mandarca.

JOEL 1:2

Pushac yuyaccunapish, tucui cai llactapi causaccunapish, caita alli uyaichic. ¿Cancuna causacui punzhacunapi, mana cashpaca cancunapac ñaupa taitacuna causacui punzhacunapi cashna llaquicuna tucushcachu?

LEVÍTICO 23:36

Canchis punzhatami Mandac Dios ñucaman cushpa rupachina canguichic. Pusacniqui punzhapica ñucapaclla tandanacuita ruhuashpami ñucaman cushpa rupachina canguichic. Chai punzhapica ima sinchi trabajota ama ruhuanguichicchu.

JONÁS 3:5

Chashna huillacpimi, Nínive llactapi causaccunaca Mandac Diosta crishpa, uchillamanta callarishpa, yuyaccunacaman sharpa churanata churarishpa ayunarca.

JONÁS 3:8

Gentecunapish, animalcunapish sharpa churanata churarishpa, Mandac Diosta caparishpa mañachun. Mana allita ruhuashcamanta, maijanta llaquichishcamanta llaquirishpa Diosta caparishpa mañachun.

SOFONÍAS 2:1

Mana pingac gentecunalla, tandanacushpa llaquirichicyari.