JOEL 1:13 - Dios Rimashcata Quillcashcami

¹³ ¡Curacunalla, sharpa churanata churarishpa huacaichicyari! ¡Altarpi serviccunalla, llaquillata huacaichicyari! Mandac Diosta serviccunalla, sharpa churanata churarishpa, sueñungapac shamuichicyari. Mandac Diospac huasimantaca ofrendatapish, tallina vinotapish anchuchishcami.

JOEL 1:13 Iomraidhean Croise

2 SAMUEL 12:16

Chaimantami Davidca huahuamanta Diosta mañarca. Chashnami ayunashpa, ucuman yaicushpa, Mandac Diosta mañashpa tucui tuta pambapi pacarirca.

1 REYES 21:27

Acab cai nishcacunata uyashpaca, paipac churanata lliquishpami sharpa churanata churarishpa, mana micushpa cainarca. Shungu llaquirishpa llaquilla cashpami, chai churanallahuantac sueñurca.

ISAÍAS 22:12

Tucuita Mandac Diosca chai punzhapica yallita llaquirichun, yuyarishpa huacachun, acchata pitirichun, sharpa churanata churarichun cayarca.

ISAÍAS 61:6

Cancunaca Mandac Diospac curacuna, ñucanchic Diosta serviccuna nishcami canguichic. Jatun llactacunapi causaccuna ima charishcacunatami micunguichic. Paicuna ima sumac charishcacunahuanmi alli nishca canguichic.

JEREMÍAS 4:8

Chaimanta sharpa churanata churarishpa, yallita llaquirishpa, caparishpa huacaichicyari. Mandac Dios ñucaca cancunahuan piñarishcami cani» ninmi.

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

EZEQUIEL 21:12

Huañunalla runa, yallita caparishpa huacaiyari. Chai espadaca ñuca acllashcacunatapish, Tucui Israel llactata mandaccunatapish llaquichingapacmi tiyacun. Chaihuanmi mandaccunatapish, ñuca acllashcacunatapish espadahuanmi huañuchinga. Chaimanta cambac changata huactariyari.

EZEQUIEL 27:31

Canmantami acchata pitirishpa, sharpa churanata churaringa. Canmantaca shungupi llaquirishpami, yallita huacanga.

EZEQUIEL 7:18

Sharpa churanahuanmi llaquihuanpish, yalli manchaihuanpish tiyacunga. Tucuimi pingaihuan cangacuna, uma acchatapish pitiringami.

OSEAS 9:5

Mandac Diospac fiesta punzhapi, mana cashpaca shuctac fiesta punzhapica, ¿imatac paicunaca ruhuancuna?

JOEL 2:12

Mandac Diosca: «Cunanca ayunashpa, huacashpa, yallita llaquirishpa, tucui shunguhuan ñucapacman cutirichic» ninmi.

JOEL 2:14

Pai shamushpa, cancunata mana llaquichingapishchari. Cancunaman allicunata cungapishchari. Mandac Diosca ofrendata cuchun, tallina vinopish, grano granotapish cungapishchari.

JOEL 2:17

Mandac Diospacta ruhuac curacunaca pungu yaicuna altar chaupipi shayarishpa: “Mandac Dioslla, can acllashcacuna mana allita ruhuashcataca perdonaiyari. Paicunata burlashpa pingaichichun ama saquinguichu. Shuctac llactacuna mandachunpish ama saquinguichu. Shuctac gentecunaca: ‘¿Maipitac paipac Mandac Diosca?’ ningami” nishpa mañaichicyari.

NÚMEROS 28:14

Cada becihuan ishcai litro vinota cunguichic. Shuc huatayuc cada ovejahuan shuc litro vinota cunguichic. Caicunami cada quillapi huatanta ñucaman cushpa, tucui rupachinaca.

NÚMEROS 28:4

Chai ovejacunataca shuctaca tutamanta, shuctaca chishi ñucaman cunguichic.

NÚMEROS 28:7

Shuc huatayuc cada cari ovejahuanca shuc litro vinota cunguichic. Chaitaca ñucapaclla cac ucupi Mandac Dios ñucapac ñaupapi tallinguichic.

NÚMEROS 29:6

Chaicunataca mandashca shina quillanta ñucaman cushpa, tucui rupachishca jahua, harinahuan aceitehuan chapushpa cushca jahua, punzhanta tucuita rupachishca jahua, tallina vinota cushca jahuami Mandac Dios ñucaman mishquilla ashnachun rupachina canguichic.

1 CORINTIOS 4:1

Chaimanta ñucanchictaca Cristota serviccuna, Diosmanta pipish mana yachashcata yachachichun churashcata yuyachun.

1 CORINTIOS 9:13

Diosta mañana huasipi serviccunaca, chai huasiman apashca micunatami micun. Chai altarpi serviccunaca Diosman cushcatami micuncuna. Chaitaca cancunallatac yachanguichicmi.

2 CORINTIOS 11:23

Paicunaca “Cristota serviccunami canchic” ninchari, ñucapish paicunamanta yalli alli servicmi cani. Caitaca yuyai illac shinami rimani. Paicunamanta yallimi ñucaca trabajarcani. Paicunamanta yallimi carcelpi carcani. Paicunamanta yallimi macashca carcani. Shinallatac tauca cutinmi huañunallapish carcani.

2 CORINTIOS 3:6

Paillatacmi paipac mushuc ari ninacuita huillachun, ñucanchicman yachachirca. Chaica mana mandashcapi quillcashcachu, ashtahuanpish Diospac Espíritu yachachishcami. Mandashcaca huañuchinmi, ashtahuanpish Espirituca causaitami cun.

2 CORINTIOS 6:4

Chaipac randica tucui imata ruhuashpapish, Diospacta ruhuaccuna cashcatami ricuchinchic. Chashnami llaquichicpipish, ima llaquihuan cashpapish, ima illaclla cashpapish, mana piñarishpa alli shunguhuan canchic.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.