JEREMÍAS 9:8 - Dios Rimashcata Quillcashcami

⁸ Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.

JEREMÍAS 9:8 Iomraidhean Croise

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

SALMOS 12:2

Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

SALMOS 12:3

Mandac Diosca chai llullac mishqui shimicunata, jatun tucushpa rimaccunataca tucuitami tucuchinga.

SALMOS 120:3

Llullac calluca, ¿Imatatac cugringuiyari? ¿Imapactac valigringuiyari?

SALMOS 28:3

Ama chai millai runacunahuan pacta huañuchichu. Paicunaca shuccunahuan sumacta rimashpapish shungupica millaitami yuyancuna.

SALMOS 35:20

Cushi causaimantaca mana parlanacuncunachu. Ashtahuanpish cai llactapi causac alli shungucunatami llaquichingapac llullancuna.

SALMOS 55:21

Paipac rimashca shimicuna mantequilla shina ñutunlla cashpapish, paipac shungupica macanacuna yuyaillami can. Aceitetapish yalli ñutunlla rimaicunata parlashpapish espadata bainamanta llucchishpa charicuc shinami can.

SALMOS 57:4

Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.

SALMOS 62:5

Ñuca almaca Diosllahuanmi samarin. Paillatami shuyacuni.

SALMOS 64:8

Paicunapac rimashcallatacmi llaquipi churanga. Chaita tucui ricuccunaca umata cuyuchishpami burlancuna.

PROVERBIOS 25:18

Maijanta yanga juchanchishpa huillac runaca martillo, espada, flecha shinami.

JEREMÍAS 5:26

Ñuca acllashcapurapica millai gentecunami tucllata churac shina, llaquichiccuna tiyan. Runacunata japingapacca tucuilaya tucllatami churan.

JEREMÍAS 5:9

Chai juchamantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

JEREMÍAS 9:3

Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.

JEREMÍAS 9:4

Huauquicunapish umaccunami. Ricsishcacunaca juchanchiccunami. Chaimanta tucui ricsishcacunamantapish, huauquicunamantapish cuidaringuichic.

JEREMÍAS 9:5

Paicunaca caishuc chaishuc llullanacushpami umancuna. Mana cashcata nincunachu. Paicunapac calluca llullata rimanapimi yacharishca. Mana allita ruhuanataca mana shaicushpami ruhuacunlla.

MIQUEAS 6:12

Chashnami chai llactapi causaccunaca yallita llaquichishca. Paicunaca llullaccunami. Calluca llullashpa umangapacllami.