JEREMÍAS 9:4 - Dios Rimashcata Quillcashcami

⁴ Huauquicunapish umaccunami. Ricsishcacunaca juchanchiccunami. Chaimanta tucui ricsishcacunamantapish, huauquicunamantapish cuidaringuichic.

JEREMÍAS 9:4 Iomraidhean Croise

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

SALMOS 101:5

Maijanta mana alli nishpa huashalla rimactaca ñucami tucuchisha. Ñahuipipish, shungupipish jatun tucushcacunataca manatac ricushachu.

SALMOS 15:3

paipac calluhuan mana pita llaquichic, shuccunata ima llaquita mana ruhuac, paipac vecinota mana piñachicmi chaipica causanga.

PROVERBIOS 10:18

Piñarishca cashpapish mana piñarishca shina shungullapi charicuc runaca llullami. Pitapish yanga juchanchishpa rimac runaca mana entendic runami.

PROVERBIOS 25:18

Maijanta yanga juchanchishpa huillac runaca martillo, espada, flecha shinami.

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

PROVERBIOS 4:17

Paicunapac micuna shinaca mana allita ruhuanami. Ubiana vino shinaca, shuccunata yallita llaquichinami.

PROVERBIOS 6:16

Mandac Diosca cai sucta juchatami piñan. Canchisniqui juchatacarin yallitami millanayachin:

PROVERBIOS 6:19

manapish yachashpa llullashpa huillacta shinallatac huauquindipura piñanacuipi churactami yallita piñan.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

ISAÍAS 9:16

Cai gentecunata mandaccunaca pandachiccunami. Cai mandaccunata caticcunaca pandarishpami chingaringa.

JEREMÍAS 12:6

Cambac huauquicunallatac, cambac huasi ucupuracunallatacmi canta llaquichingapac jatarishca. Paicunaca cambac huashallapimi caparishpa rimarincuna. Chaimanta paicuna sumacta rimacpipish, ama cringuichu.

JEREMÍAS 6:28

Tucui paicunami ñucata mana cazushpa, huashalla parlanacushpa purincuna. Paicunaca bronce shina, fierro shinami tucushca. Paicunaca ismushca shina millaicunami.

JEREMÍAS 9:8

Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.

EZEQUIEL 22:9

Maijancunaca yanga juchanchishpami huañuchincuna. Lomacunapi tiyac altar ladopi micushpami, millaita ruhuancuna.

LEVÍTICO 19:16

Cambac llactapi ama huashalla parlashpa puringuichu. Pitapish piñashpa, ama huañuchina yuyaihuan puringuichu. Ñucami Mandac Dios cani.

MALAQUÍAS 2:10

¿Manachu tucui ñucanchicca shuclla taitata charinchic? ¿Manachu shuclla Dios ruhuashca canchic? Chashna cashpaca, ¿ima nishpatac ñucanchicca caishuc chaishuc mana cazunacushpa, ñaupa taitacunahuan ari nishcataca yangapi churanchic?

SAN MATEO 10:17

Cuidaringuichic, mandaccunapacmanpish japichingami. Tandanacuna huasicunapimi macanga.

SAN MATEO 10:21

Huauquica quiquin huauquillatatac, taitaca quiquin churillatatacmi huañuchiccunaman japichinga. Huahuacunaca taita mamata piñashpami, huañuchiccunaman japichinga.

SAN LUCAS 21:16

Cancunataca ricsishcacunallatac, familiacunallatac, huauquicunallatac, taita mamacunallatacmi huañuchichun japichinga. Chashna japichicpica, maijan cancunataca huañuchingami.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.