JEREMÍAS 9:17 - Dios Rimashcata Quillcashcami

¹⁷ Tucuita Mandac Diosca: «Yachaccuna caichic. Huacanata yachaccunata cayaichic. Huacanata alli yachaccunata mashcamuichic» ninmi.

JEREMÍAS 9:17 Iomraidhean Croise

2 CRÓNICAS 35:25

Jeremiasca Josías huañushcata yuyarishpami llaquilla cantota allichirca. Cantanata yachac tucui caricunapish, huarmicunapish cunan punzhacamanmi Josías huañushcata yuyarishpa huacana shimicunata cantancuna. Israelcunaca maijan huañucpipish, chai shimicunallatacmi cunan punzhacaman yuyarishpa cantancuna. Chai shimicunaca huacana shimicunata quillcashcapimi quillcashca tiyacun.

JOB 3:8

Chai punzhata mana alli niccuna manchana leviatán animalta japishpa ricchachiccuna mana alli nichiyari.

ECLESIASTÉS 12:5

Huichaiman rinapish manchanami ricuringa. Ñanpica manchaillami tiyanga. Almendro yurapish sisangami. Langosta curucunapish jundangami. Micuna munaipish mana tiyangachu. Huiñaita causana huasiman ricucpica, duelota ruhuac runacunaca huacashpami plazata muyungacuna.

JEREMÍAS 7:29

Chaimanta cambac acchata pitishpa shitai. Lomacunaman rishpa caparishpa huacai. Mandac Diosta yallita piñachishcamantami huahua huahuacunataca mana ricunayachishpa shitashca.

LAMENTACIONES 2:5

Mandac Diosca piñac runa shinami, israelcunataca tucuchirca. Mandashpa tiyana huasicunatapish, macanacuna pircatapish urmachishpami, Judá llactapi causaccunataca yallita llaquichirca.

EZEQUIEL 27:2

«Huañunalla runa, Tiro llacta llaqui tucunamanta llaquipi cantana cantota cantai.

EZEQUIEL 32:16

Caica, llaquipi cantana cantomi. Shuctac llactapi causac huarmicunami Egipto llactamantapish, chaipi causaccunamantapish cantanga. Chaitaca Mandac Dios ñucami nini” ninmi ningui» nirca.

AMÓS 5:1

Israelcunalla, ñuca rimashcata uyaichicyari. Cancunamanta huacashcata uyaichicyari.

MIQUEAS 2:4

Chai punzhapica cancunata burlashpami rimanga. Chaimantami cancuna huacashpaca: “¡Yallita llaquichishpa tucuchishcami canchic! Ñucanchicman cushca allpacunataca shuccunami medishpa japicun. ¡Aij, mana llaquishpami, tucui ñucanchic llactacunata quichushca!” ninguichicmi.

SAN MATEO 9:23

Mandacpac huasiman Jesús chayashpa, enterrangapac flautapi tocacuctapish, gentecuna caparishpa huacacuctapish

MARCOS 5:38

chai mandacpac huasiman rirca. Chaipimi caparishpa, huacanacucucta ricurca.