JEREMÍAS 9:15 - Dios Rimashcata Quillcashcami

¹⁵ Chaimantami israelcunapac tucuita Mandac Dios ñucaca: Cai gentecunamanca ajenjotami caragrini. Shinallatac yacuhuan, venenohuan chapushpami ubiachigrini.

JEREMÍAS 9:15 Iomraidhean Croise

SALMOS 60:3

Can acllashcacunataca yallitami llaquichishcangui. Machachic vinotami ubiachishcangui.

SALMOS 69:21

Micunata cunapac randica jayac hieltami curcacuna. Yacunayachicpica, vinagretami ubiachirca.

SALMOS 75:8

Mandac Diosca pucushca jayac vinotaca paipac copa jundatami charicun. Chai vinoca tucuilayahuan chapushcami. Chai vinota pai tallicpica, tucui cai pachapi causac paita mana cazuccunami tucuringacaman ubianga.

SALMOS 80:5

Huiquitami micunata shina carashcangui. Huiquitami yacuta shina yallita ubiachishcangui.

ISAÍAS 2:17

Cariyashpa puriccunapac ñahuitaca cumurichingami. Jatun tucushcacunatapish pingaichingami. Chai punzhapica Mandac Diosllami jatunyachishca canga.

ISAÍAS 2:22

¡Ama runacunapi shunguta churashpa causaichicchu! Paipac causaica huaira shinallami. ¿Runa ima cacpitac, shunguta churanguichic?

JEREMÍAS 23:15

Chaimantami tucuita Mandac Dios ñuca chai huillaccunahuan piñarishpaca: “Paicunamanmi jayac ajenjota carashpa, veneno yacuta ubiachigrini. Jerusalenpi huillaccunamantami tucui mana allita ruhuanacunaca tucui llactapi mirarishca” ninmi ningui» nirca.

JEREMÍAS 24:10

Paicunataca jatun macanacuipi, yarcaipi, mancharina ungüihuan llaqui tucuchunmi saquisha. Paicunamanpish, paicunapac ñaupa taitacunamanpish cushca llactapi tucuringacamanmi chashna llaquichisha» nirca.

JEREMÍAS 25:15

Israelcunata Mandac Diosca: «Ñuca yallita piñarishca vino copata ñuca maquimanta japishpa, ñuca canta cachashca llactacunapi causaccunaman ubiachi.

JEREMÍAS 44:27

Ñuca paicunaman ima allita ruhuanapac randica, llaquichingapacmi chaparacuni. Egipto llactapi causac Judá gentecunami jatun macanacuipi yarcaihuan huañushpa tucuringa.

JEREMÍAS 49:37

Elam llactapi causaccunamanca paicunata huañuchinata munaccunapac, paicunata piñaccunapac ñaupapica yallita manchaitami cugrini. Paicunata tucuchichunmi huañuchiccunata cachagrini. Ñuca nina japiric shina, piñarishpami llaquichigrini.

JEREMÍAS 8:14

Gentecunaca: «¿Imapactac caipi tiyacunchiclla? Mandac Diosca ñucanchicta huañuchicunmi. Chaimanta tandanacushpa, muyundita jatun pircashca llactaman yaicushpa, chaipi huañushunchic. Juchata ruhuashpami, Mandac Diosta piñachishcanchic. Chaimantami paica yacuta venenohuan chapushpa ubiachishca.

LAMENTACIONES 3:15

Mandac Diosca jayacta ubiachic shinami, yallita llaquichirca.

LAMENTACIONES 3:19

Llaquita apashcatapish, ñucata pi mana ayudashcatapish, jayac ajencota ubiashca shina, llaquita apashcatapish yuyarinimi.

EZEQUIEL 5:12

Cancunamanta quimsapi chaupishca gentecunaca ungüihuan, yarcaihuanmi chaillapitac huañunga. Cutin shuc quimsapi chaupishca gentecunaca cancunapac muyundillapitacmi jatun macanacuipi huañunga. Cutin shuctac quimsapi chaupishca gentecunataca espadata llucchishpami caita chaita catishpa cachasha.

EZEQUIEL 5:2

Macangapac muyunacuna punzhacunapi, quimsapi chaupishca asha acchataca pueblo chaupiman apashpa, ninapi rupachingui. Asha parte acchataca pueblo muyundipi espadahuan pitinacungui. Caishuc asha parte acchataca huairapi chaspingui. Chaipimi paicunata espadahuan catishpa llaquichisha.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

DEUTERONOMIO 29:18

Cancunapuramanta cari cashpa, huarmi cashpa, familia cashpa, aillu cashpa Mandac Diosmanta caruyashpa, chai llacta dioscunata pacta adoranguichicman. Cancunapurapica pacta jayac venenota pucuc yura shina tiyanman.

APOCALIPSIS 8:11

Chai luceroca Jayac shutimi carca. Chaimantami yacucunataca quimsapi chaupishcamanta shuc parteta jayacyachirca. Chai yacuta ubiashpaca, achca gentecunami huañurca.