JEREMÍAS 8:17 - Dios Rimashcata Quillcashcami

¹⁷ Mandac Diosca: «Cancunata llaquichichunca huañuchic culebracunata cachagrini. Chaicunata imahuanpish mana upayachi pudingachu. Chaicunami cancunataca canishpa tucuchinga» nirca.

JEREMÍAS 8:17 Iomraidhean Croise

SALMOS 58:6

Dioslla, quirucunata paquiyari. Mandac Dioslla, chai leoncunapac quirucunata shic-huaiyari.

ECLESIASTÉS 10:11

Manarac upayachishca culebra canicpica, upayachicca mana imapac valinchu.

ISAÍAS 14:29

«Tucui Filistea llactapi causaccuna llaquichic varata paquishcamantaca ama cushicuichicchu. Culebrapac huahua huahuacunamantaca shuc millai culebrami llucshinga. Chai culebramantaca volac culebrami llucshinga.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

AMÓS 9:3

Carmelo urcupi miticucpipish, mashcashpami tarisha. Ñuca ñahuimanta miticushpa, mama cuchaman yaicucpica, culebratami canichun cachasha.

NÚMEROS 21:6

Shina nicpimi, Mandac Diosca israelcunapac chaupiman huañuchic culebracunata cacharca. Chai culebracuna canicpimi, tauca israelcuna huañurca.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.

APOCALIPSIS 9:19

Chai caballocunaca shimihuanpish, chupacunahuanpish llaquichircami. Chai chupacunaca culebrapac uma shinami carca. Chaicunahuanmi gentecunataca yallita llaquichirca.