JEREMÍAS 8:16 - Dios Rimashcata Quillcashcami

¹⁶ Piñaccunapac caballocuna huacashcaca Danmanta pachami uyarimun. Chai caballocuna huacacpica, tucui llactami chucchun. Chashna shamushpaca, allpapi ima tiyactapish, llactatapish, chaipi causaccunatapish tucuchinmi» nirca.

JEREMÍAS 8:16 Iomraidhean Croise

JOB 39:20

¿Shuc langostata shinachu manchachinguiman? Singahuan pucushpapish sinchitami pucun.

SALMOS 24:1

Cai pachapish, chaipi ima tiyaccunapish tucui cai pachapi causaccunapish Mandac Diospacmi.

JEREMÍAS 10:25

Canta mana ricsic llactacunata, cambac shutipi mana mañac gentecunata yallita piñarishpa llaquichiyari. Chaica paicunami Jacobopac llactataca lambishpa micuc shina tucuchirca. Paicunami causana huasitapish shitashcata saquirca» nircani.

JEREMÍAS 3:24

Huambramanta pachami ñucanchic taitacuna sinchita trabajashpa charishcatapish, chingachishpa causashcanchic. Chashnami paicunapac ovejacunapish, huagracunapish, churicunapish, ushicunapish tucurishca.

JEREMÍAS 30:16

Tucui canta tucuchiccunaca tucuchishcami canga. Canta piñaccunaca prezushcami canga. Canta saruccunaca sarushcami canga. Canmanta quichuccunamantapish quichungami. Canmanta shuhuaccunamantapish shuhuangami.

JEREMÍAS 30:5

rimashpaca: «Paicuna yallita mancharishpa sinchita caparishcatami uyani. Cushi causaica mana tiyanchu. Yalli manchaillami tiyan.

JEREMÍAS 4:24

Urcucunata ricucpica chucchucurcami. Lomacunapish cuyuricurcami.

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.

JEREMÍAS 47:3

Caballocuna tulun nishpa callpamucta uyashpa, carreta ruedacuna huacashcata uyashpami taitacunaca huahuacunata shitashpa callpanga. Yallita manchaihuan chucchushpami imata mana ruhuai pudinga.

JEREMÍAS 5:17

Paicunami cancunapac granotapish, ovejacunatapish, huagracunatapish, uvas chagracunatapish, higo yuracunatapish tucuchishpa, cancunapac churicunatapish, ushicunatapish micunga. Chashna ruhuashpami, cancuna shunguta churashpa, causana muyundita pircashca llactacunatapish espadacunatapish tucuchinga» ninmi.

JEREMÍAS 50:42

Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

JEREMÍAS 51:29

Mandac Diosca Babilonia llactata tucuchishpa pipish mana causana shitashca pambata ruhuangapac yuyarishcataca pactachigrinmi. Chaimantami cai pachaca cuyurishpa chucchunga.

JEREMÍAS 6:23

Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

NAHÚM 3:2

Anguhuan huactashcatapish, carreta ruedacuna huacashcatapish, caballocuna sarushcatapish, carretacuna huajiashcatapish,

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

1 CORINTIOS 10:26

Chaica, cai pachapish, tucui cai pachapi tiyashcapish Mandac Diospacmi.

1 CORINTIOS 10:28

Shina cacpipish maijan: «Caica animalta huañuchishpa, ruhuashcalla diosman cushcami» nicpica, ama micuichicchu. Chai huillac runamantapish, yuyaipi mana cushilla cashcamantapishmi mana micuna cangui.

JUECES 18:29

Chai pueblotaca paicunapac taita Danta yuyarishpami Danta shutichircacuna. Shina cacpipish utcamanca Lais shutimi carca. Danca Israelpimi huacharirca.

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.

JUECES 5:22

Caballocunapac chaquicuna caruman uyarictami callparca. Sinchi soldadocuna chashna callpacpimi cashna uyarirca.