JEREMÍAS 8:14 - Dios Rimashcata Quillcashcami

¹⁴ Gentecunaca: «¿Imapactac caipi tiyacunchiclla? Mandac Diosca ñucanchicta huañuchicunmi. Chaimanta tandanacushpa, muyundita jatun pircashca llactaman yaicushpa, chaipi huañushunchic. Juchata ruhuashpami, Mandac Diosta piñachishcanchic. Chaimantami paica yacuta venenohuan chapushpa ubiachishca.

JEREMÍAS 8:14 Iomraidhean Croise

2 SAMUEL 20:6

Chaimantami jatun mandac Davidca Abisaitaca: —Bicripac churi Sebaca Absalonta atishpami llaquichinga. Chaimanta canca ñuca serviccunata tandachishpa, chai runata cati callari. Pacta maijan muyundita pircashca puebloman rishpa miticugrinman— nirca.

SALMOS 39:2

Shinami mana rimashpa upalla saquirircani. Ima allicunatapish mana rimarcanichu. Shina cacpipish ñuca ungüica ashtahuanmi anchayarca.

SALMOS 69:21

Micunata cunapac randica jayac hieltami curcacuna. Yacunayachicpica, vinagretami ubiachirca.

ISAÍAS 47:5

«Caldeocunapac ushilla, cantaca mana ashtahuan “Llactacunata mandac huarmi” ningachu. Chaimanta amsa tutaman yaicushpa, upalla tiyarilla.

JEREMÍAS 14:20

Mandac Dioslla, ñucanchicpish, ñucanchic taitacunapish canta mana cazushpa canta piñachishcata, mana allita ruhuashcata yuyarishpa llaquirinchicmi.

JEREMÍAS 14:7

Mandac Dioslla, ñucanchic juchacunallatac ñucanchic mana alli cashcata ricuchicucpipish, cambac shutita cuyashcamanta quishpichiyari. Ñucanchicca canta mana cazushpa, juchata ruhuashpami yallita canta piñachircanchic.

JEREMÍAS 23:15

Chaimantami tucuita Mandac Dios ñuca chai huillaccunahuan piñarishpaca: “Paicunamanmi jayac ajenjota carashpa, veneno yacuta ubiachigrini. Jerusalenpi huillaccunamantami tucui mana allita ruhuanacunaca tucui llactapi mirarishca” ninmi ningui» nirca.

JEREMÍAS 3:25

Ñucanchicpish, ñucanchic taitacunapish, huambramanta pachami cunan punzhacaman ñucanchicta Mandac Diosta piñachishcanchic. Ashtahuanpish Mandac Diosta mana cazushpami juchata ruhuashcanchic. Chaimantami yallita llaqui tapashca shina tucushpa, yallita pingai tucushcanchic» nincunami.

JEREMÍAS 35:11

Shina cashpapish, Babilonia llactata jatun mandac Nabucodonosor cai llactata llaquichingapac shamucpimi ñucanchicca: “Chai caldeo soldadocunamanta, Siria llacta soldadocunamanta Jerusalenpi miticungapac shamuichic” ningapacmi shamurcanchic. Shina shamushpami Jerusalenpi causacunchic» ninacurca.

JEREMÍAS 9:14

Chaipac randica, paicunapac taitacuna yachachishca shinallatacmi Baal dioscunata catishpa, shungu munashcata ruhuashpa causarca.

JEREMÍAS 9:15

Chaimantami israelcunapac tucuita Mandac Dios ñucaca: Cai gentecunamanca ajenjotami caragrini. Shinallatac yacuhuan, venenohuan chapushpami ubiachigrini.

LAMENTACIONES 3:19

Llaquita apashcatapish, ñucata pi mana ayudashcatapish, jayac ajencota ubiashca shina, llaquita apashcatapish yuyarinimi.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

AMÓS 6:10

Chai huañushcataca shuc aillullami tucuita tandachinga. Shinami huasimanta tullucunata llucchishpa rupachinga. Chai huasi ucupi cac runataca: «¿Manachu maijanpish canhuan saquirirca?» ningami. Shina nicpimi, chai runaca: «¡Mana pipish saquirircachu!» ningami. Shina nicpica: «Upalla cai, Mandac Diospac shutitaca mana rimanachu» ningami.

HABACUC 2:20

Ashtahuanpish Mandac Diosca paipaclla chicanyachishca huasipimi causan. ¡Cai pachapi tucui causaccuna paipac ñaupapi upalla caichic!

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!

SAN MATEO 27:34

Chaipimi jayac-huan chapushca vinota Jesusman curca. Chashna cucpica, Jesusca ashata mallishpa mana ubiasha nircachu.

DEUTERONOMIO 29:18

Cancunapuramanta cari cashpa, huarmi cashpa, familia cashpa, aillu cashpa Mandac Diosmanta caruyashpa, chai llacta dioscunata pacta adoranguichicman. Cancunapurapica pacta jayac venenota pucuc yura shina tiyanman.

DEUTERONOMIO 32:32

Paicunapac uvas chagra shinaca Sodomami. Pambacunaca Gomorra shinami. Uvas caspacunapish jayacmi, shinallatac uvasca venenomi.