JEREMÍAS 8:13 - Dios Rimashcata Quillcashcami

¹³ Mandac Diosca: «¡Ñucaca tucuimi tucuchigrini! Uvas chagrapi shuc uvasllatapish, higo yurapi shuc granollatapish mana saquic shinami tucuchisha. Yuracunapish pangacuna chaquishpa urmangami. Paicunaman ñuca cushcatapish shuccunamanmi cugrini» ninmi.

JEREMÍAS 8:13 Iomraidhean Croise

ISAÍAS 5:10

Quimsa hectaria uvas chagramantaca quimsa chunga canchis litro vinollatami llucchinga. Chunga quintal chaupi muyumantaca chaupi quintal granollatami japinga” nircami.

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

JEREMÍAS 14:15

Chaimantami Mandac Dios ñucaca chai manapish ñuca cachacpi rishpa huillaccunataca: “Jatun macanacuipish, yalli yarcaipish mana tiyangachu” nishpa, ñuca shutipi llullaccunaca paicunaracmi jatun macanacuipi yarcaihuan huañunga.

JEREMÍAS 17:8

Paica yacu ladopi huiñashca, callpacuc yacu ladoman sapiyashca yura shinami canga. Usyai huatacunapipish, mana anguyashpami, punzhanta pucucungalla.

JEREMÍAS 5:17

Paicunami cancunapac granotapish, ovejacunatapish, huagracunatapish, uvas chagracunatapish, higo yuracunatapish tucuchishpa, cancunapac churicunatapish, ushicunatapish micunga. Chashna ruhuashpami, cancuna shunguta churashpa, causana muyundita pircashca llactacunatapish espadacunatapish tucuchinga» ninmi.

JEREMÍAS 7:20

Ñucaca yallita piñarishpami, cai llactata llaquichigrini. Runacunatapish, animalcunatapish, pambapi shayacuc yuracunatapish, allpapi pucushca granocunatapish mana huañuc ninahuami llaquichigrini» ninmi.

EZEQUIEL 22:31

Chaimantami ñucaca nina japiric shina yallita piñarishpa, paicunataca tucuchisha. Chashnami paicuna mana allita ruhuashca shinallatac llaquichisha. Chaitaca Mandac Dios ñucami nini” ninmi ningui» nirca.

OSEAS 2:12

Paipac uvas chagratapish, higo yuracunatapish tucuchishami. Chaicunatami paica: «Ñuca cuyashcacuna ñucaman pagashcami» nirca. Chai yuracunataca yanga yuracunata ruhuasha. Chaicunataca sacha animalcunami micunga.

JOEL 1:7

Ñuca uvas chagracunata llaquinayaita tucuchishpami, ñuca higo yuracunatapish chushac caspillata saquishca. Tucui ramacunata anchuchishca yuranllami saquirirca.

LEVÍTICO 26:20

Cancunaca yangami imatapish ruhuanguichic. Allpapica imapish mana pucungachu, yuracunapish mana pucungachu.

HABACUC 3:17

Higo yuracuna mana sisacpipish, uvas yuracunapi grano mana tiyacpipish, olivos mana pucucpipish, allpacuna mana cucpipish, oveja manada mana tiyacpipish, vacacuna corralpi mana tiyacpipish,

HAGEO 1:11

Ñucami cai llactapica mana tamyachircani. Ñucami urcunamanpish, chagramanpish usyai punzhacunata cacharcani. Chaimantami trigopish, vinopish, aceitepish, tarpuna allpapish, gentecunapish, animalcunapish, gentecuna trabajashcacunapish tucui chingachirca» ninmi.

HAGEO 2:17

Ñuca, cancuna tarpushca chagracunata rupac huairahuan, shuctac ungüihuan, runduhuan chingachicpipish, mana ñucapacman cutirircanguichicchu.

MALAQUÍAS 3:11

Cancunapac allpapi pucushca granocunatapish, uvas chagracunatapish langosta ama tucuchichunca, rimashpa jarcashami.

SAN MATEO 21:19

Jesusca ñan ladopi shuc higo yurata ricushpami, higota pactangapac cuchuyarca. Ashtahuanpish chai yuraca pangacuna jundashcami cashca carca. Chaimantami chai yurataca: “Jaicapi ama pucuchun” nirca. Chashna nincami, chai yuraca chaquirca.

SANTIAGO 1:11

Yuraca inti llucshishpa, nina rupaihuan chaquichicpica, sisaca urmanmi, pai sumac cashcaca chingarinmi. Chai shinallatacmi chayucpish, paipac randina, catunapica chingarin.