JEREMÍAS 7:9 - Dios Rimashcata Quillcashcami

⁹ Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

JEREMÍAS 7:9 Iomraidhean Croise

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

ÉXODO 20:3

Ñuca ñaupapica ama shuctac dioscunata charinguichu.

ISAÍAS 1:13

Ama ashtahuan yanga ofrendacunata cuichicchu. Inciensota rupachishcatapish, llullu quillapi, samana punzhapi cancuna tandanacushcatapish ñucaca millanimi. ¡Cancunapac jatun fiestacunataca mana ricunayanchu!

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

JEREMÍAS 1:16

Chaica, mana allita ruhuashcamantami llaquichigrini. Paicunaca ruhuashcalla dioscunata alli nishpami, inciensota cushnichirca.

JEREMÍAS 11:13

Judá llactapi causaccunalla, cancunapac llactapi mashna llactacuna tiyashca shinallatacmi dioscunata charinguichic. Jerusalenpi causaccunalla, chaipi mashna callecuna tiyashca shinallatacmi Baal diosman inciensota cushnichina altarcunata shayachircanguichic.

JEREMÍAS 11:17

Canta tarpuc tucuita Mandac Dios ñucami canta llaquichinata huillani. Israelcunapish, Judá llactapi causaccunapish Baal diosman inciensota cushnichishpa, mana allita ruhuashpa, ñucata piñachishcamantami chashna ruhuagrini» ninmi.

JEREMÍAS 13:10

Cai millai gentecunaca ñuca yachachishcata mana uyasha nincunachu. Paicunapac shungu munashcata ruhuashpami, shuctac dioscunata servishpa, paicunapac ñaupapi cungurishpa catin. Chaimantami chai ismushca chumbi shina, imapacpish mana vali tucunga.

JEREMÍAS 18:15

Ashtahuanpish ñuca acllashcacunaca ñucata cungarishpami ruhuashcalla dioscunaman inciensota rupachin. Chashnami ñanta chingachishpa mitcaric shina pandarin. Shinallatac ancho ñancunata saquishpami mana ricsishca ñancunallata purin.

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

JEREMÍAS 32:29

Cai llactata llaquichic caldeocuna shamushpami, ninata japichishpa, tucui huasicunata rupachinga. Shinallatac ñucata piñachishpa, chai huasi jahuapi Baal diosman inciensota rupachina pushtutapish, shuctac dioscunaman vinota cushpa tallina pushtutapish tucui rupachinga.

JEREMÍAS 44:3

Paicunapish, cancunapish, cancunapac taitacunapish mana ricsishca, ruhuashcalla dioscunaman inciensota rupachishpa, ñucata piñachishpa, mana allita ruhuashcamantami yallita llaquichircani.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

JEREMÍAS 44:9

¿Cancunapac ñaupa taitacunapish, Judá llactata jatun mandaccunapish, paicunapac huarmicunapish, cancunapish, cancunapac huarmicunapish Judá llactapi, Jerusalén ñancunapi yalli mana allita ruhuashcataca, manachu yuyaringuichic?

JEREMÍAS 48:35

Mandac Diosca: «Moab llactapi causaccunataca tucuchigrinimi. Paicunaca, paicunapac dioscunamanmi lomacunapi animalta cushpa, inciensotapish rupachin» ninmi.

JEREMÍAS 5:2

Maijan: “Mandac Diospac shutipimi ari nini” nishpapish yangallami ari ninga» ninmi.

JEREMÍAS 5:7

Mandac Diosca: «Paicunapac huahuacunapish ñucata saquishpami yanga diospac shutipi ari nirca. Paicunaman mana nicta caracucpipish ñucata saquircami. Tandanacushpami cullquimanta huainayac huarmipac huasiman rirca. Chai juchacunamantaca, ¿ima shinatac mana llaquichishayari?

JEREMÍAS 7:6

Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

EZEQUIEL 18:18

Paipac taitaca millaita ruhuac, shucpac charishcata quichuc, tucuipac ñaupapi imapish mana allita ruhuac cashcamantaca huañungami. Chaica, paipac juchamantami huañunga.

EZEQUIEL 20:30

Canca israelcunataca: “Mandac Diosca: ¿Cancunapish cancunapac taitacuna shinachu, mana allita ruhuashpa, ruhuashcalla dioscunata catishpa huainayanguichic?

EZEQUIEL 23:39

Paicunapac huahuacunata paicunapac dioscunaman cushpa, rupachishca punzhallatacmi, ñucapaclla huasita mapayachingapac yaicurca. ¡Chaitami ñuca huasi ucupica ruhuarcacuna!

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

OSEAS 6:9

Curacunaca shuhuaccuna shinami, Siquem ñanpi chapashpa huañuchishpa, yallita pingaipacta ruhuan.

AMÓS 4:5

¡Ñucata pagui nishpa, levadurahuan ruhuashca tandata cuichiclla! ¡Quiquin munaimanta ofrendata cushcata tucuiman huillaichiclla! ¡Israelcunalla, cancunaca chaita ruhuanatami ashtahuan munanguichic!

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

ROMANOS 2:2

Diosca chashna ruhuaccunataca cashcata ruhuashpami taripanga. Chaitaca yachanchicmi.

DEUTERONOMIO 32:17

Supaimanmi animalta rupachirca. Diosmanca mana rupachircachu. Mana ricsishca dioscunaman, cunanlla ruhuashca dioscunaman, cuchullamanta apamushca, taitacuna mana manchana dioscunamanmi animalta cushpa rupachirca.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

JUECES 5:8

Israelcuna shuc mushuc dioscunata mashcacucpica, macanacuica pungupi shinami carca. Shina chayamucpica, chuscu chunga huaranga israelcunaca shuc lanzallahuanpish, escudollahuanpish mana carcacunachu.