JEREMÍAS 7:8 - Dios Rimashcata Quillcashcami

⁸ Cancunaca yanga llulla parlocunapimi shunguta churashpa causacunguichic.

JEREMÍAS 7:8 Iomraidhean Croise

ISAÍAS 28:15

Cancunaca: «Ñucanchicca huañuihuanpish, Seolhuanpish ari ninacurcanchicmi. Ñucanchictaca llullami miticuna huasi shina jarcacun. Chaimanta yacu jataric shina, shamushpapish ñucanchictaca mana llaquichingachu. Llullana huasipimi miticushun» nircanguichic.

ISAÍAS 30:10

Paicunaca ima tucunata huillaccunataca: “Mana ashtahuan muscuipi shina, ricunachu canguichic” nincunami. Cutin Dios ima nishcata huillaccunataca: “Ama imapish allitaca huillaichicchu. Ashtahuanpish llullashpa, sumac shimicunata huillaichic.

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

JEREMÍAS 13:25

Mandac Dios ñucami canta llaquichigrini. Ñucata cungarishpa llullata crishpa, causashcamantami can mana allita ruhuashca shinallatac llaquichigrini.

JEREMÍAS 23:26

Chai huillaccunaca, ¿ima horascamantac chashna huillacunga? ¿Ima horascamantac paicunapac shungu munashcallata, yuyarishcallata llullashpa huillanga?

JEREMÍAS 23:32

Muscushcata llullashpa huillaccunahuanca piñarishcami cani. Paicunaca uyanalla shimicunata parlashpami, ñuca acllashcacunataca pandachin. Ñucaca paicunataca mana huillachun cacharcanichu. Cai gentecunamanca ima allitapish mana ruhuancunachu. Chaitaca Mandac Dios ñucami nini.

JEREMÍAS 28:15

Chaimanta Jeremiasca Hananiastaca: «¡Hananías allita uyai! Mandac Diosca mana canta huillachun cachashcachu. Ashtahuanpish canca llullashpallami cai gentecunataca crichishcangui.

JEREMÍAS 4:10

Shina nicpimi ñucaca: «¡Aij, Mandac Dioslla! Ñucanchicca espadahuan huañunallami canchic. Judá llactapi, Jerusalenpi causaccunata: “Cancunaca cushi causaitami charinguichic” nishpaca, llullashcanguimi» nircani.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 7:4

Maijancuna: ‘¡Caica, Mandac Diospac huasimi! ¡Mandac Diospac huasimi! ¡Caica, Mandac Diospac huasimi!’ nicpipish, ama cringuichicchu.

JEREMÍAS 8:10

Chaimantami paicunapac huarmicunatapish, chagracunatapish cai llactata shuctac runacunaman cugrini. Uchilla huambracunapish, yuyaccunapish quiquinlla ima shinapish chayucyanatami munan. Tucui huillac runacunapish, curacunapish llullashpa umaccunami.