JEREMÍAS 7:6 - Dios Rimashcata Quillcashcami

⁶ Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

JEREMÍAS 7:6 Iomraidhean Croise

2 REYES 21:6

Manasesca, paipac churitaca huañuchishpami rupachirca. Adivinocunapish, brujocunapish, huañushcata cayaccunapish, maijan nishcatapish yachachichunmi churarca. Chashna yalli millaita ruhuashpami Mandac Diosta piñachirca.

2 REYES 24:4

Shinallatac mana faltayuc gentecunata huañuchishcamantapishmi, chashnaca ruhuarca. Mana faltayuc gentecunapac yahuarca Jerusalenpimi jundarca. Chaimantami Mandac Diosca mana perdonasha nirca.

SALMOS 106:38

Mana faltayuc runapac, paicunapac churicunapac, ushicunapac yahuarta jichashpami Canaán llacta yanga dioscunaman huañuchishpa curca. Chai yahuarhuanmi llactaca mapayarca.

PROVERBIOS 23:10

Cambac ñaupa taitacuna churashca linderotaca ama cuyuchinguichu. Taita mama illac huahuacunapac allpapipish ama yaicuringuichu.

ISAÍAS 59:7

Paicunapac chaquicunaca mana allita ruhuangapacllami callpan. Mana faltayuc runata huañuchishpa yahuarta jichangapacllami utca rin. Paicunaca millaita ruhuanallatami yuyacun. Maita rishpapish llaquichishpa tucuchishpallami purin.

JEREMÍAS 13:10

Cai millai gentecunaca ñuca yachachishcata mana uyasha nincunachu. Paicunapac shungu munashcata ruhuashpami, shuctac dioscunata servishpa, paicunapac ñaupapi cungurishpa catin. Chaimantami chai ismushca chumbi shina, imapacpish mana vali tucunga.

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

JEREMÍAS 2:30

Ñuca llaquichicpipish, cancunapac huahuacunaca manatac entendishcacunachu. Yangami llaquichishcani. Ñuca ima nishcata huillaccunataca espadahuanmi millai león shina tucuchishcanguichic.

JEREMÍAS 2:34

Cambac churanaca huacchacunapac yahuarhuan, mana faltayuccunapac yahuarhuanmi cahuirishca. Paicuna mana allita ruhuashcataca mana tarircanguichu. Shina cashpapish,

JEREMÍAS 26:15

Ashtahuanpish cancunaca caitami yachana canguichic. Cancuna, ñuca manapish faltayuc cacpi, huañuchishpa yahuarta jichashpaca cancunapish, cai gentecunapish, caipi causaccunapishmi juchallinguichic. Ñucataca Mandac Diosllatacmi caita allita cancunaman huillachun cacharca» nirca.

JEREMÍAS 26:23

Paicuna Uriasta Egiptomanta llucchishpaca jatun mandac Joacimpacmanmi pusharca. Chaipimi paitaca espadahuan huañuchishpa, tucuita enterrana jutcupi shitarca.

JEREMÍAS 35:15

Ñucata servic huillaccunata punzhanta cancunapacman cachashpa: “Tucui cancuna mana alli causaita saquishpa, ñucapacman cutirichic. Shuctac dioscunatapish ama servinguichicchu. Chashna causashpami cancunamanpish, cancunapac taitacunamanpish ñuca cushca cai llactapica causanguichic nishpa huillachicucpipish, cancunaca manatac uyarcanguichicchu, manatac cazurcanguichicchu.

JEREMÍAS 5:28

Chashnami huirayashpa puca ñahuicuna tucurca. Paicunaca yalli mana allitami ruhuarca. Taita mama illac huahuacunamanpish ima allita mana ruhuancunachu. Huacchacunata llaquichicucpipish, mana misancunachu.

JEREMÍAS 7:5

Ashtahuanpish cancunapac causaita allichishpa, allita ruhuashpa, cancunapurapipish, shuctac runacunapurapipish cashcata ruhuanguichic.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

LAMENTACIONES 4:13

Paicunaman huillaccuna juchallishcamanta, curacuna mana allita ruhuashpa, cashcata ruhuac runacunata huañuchishpa, Jerusalén chaupipi yahuarta jichashcamantami chashnaca tucurca.

EZEQUIEL 18:6

lomacunapi tiyac altar ladopi mana micun. Israelcuna ruhuashca dioscunatapish mana mañanchu, shucpac huarmita mana japirinchu, quilla ungüihuan cac huarmipipish mana chayarinchu.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

LEVÍTICO 19:33

Shuctac llacta runa shamushpa, cancunahuan causacucpi, ama llaquichinguichicchu.

LEVÍTICO 25:17

Cancunapuramanta maijan cashpapish ama umanguichicchu. Chaipac randica, Mandac Dios ñucata manchaichic. Ñucaca cancunata Mandac Diosmi cani.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

SAN MATEO 27:4

Paica: —Mana faltayuc runata japichishpaca, juchallishcanimi— nirca. Chashna nicpimi paicunaca: —Ñucanchicmanca, ¿imatac curinyari? Chaitaca canchari ricungui— nirca.

DEUTERONOMIO 11:28

Ashtahuanpish ñuca mandashcata mana uyashpa, Mandac Diosta mana cazushpa, mana ricsishca shuctac dioscunata catishpaca, maldiciashcami canguichic.

DEUTERONOMIO 24:17

Shuctac llacta runa japinatapish, taita mama illaccuna japinatapish ama quichunguichicchu. Viudamantapish ama prendata japinguichicchu.

DEUTERONOMIO 27:19

Cutin: “¡Shuctac llactata runacuna, taita mama illaccuna, viudacuna japinata shucman cucca, llaqui tucushca cachun!” nicpica, tucui gentecunami: “¡Chashna cachun!” ninga.

DEUTERONOMIO 8:19

Ashtahuanpish canta Mandac Diosta cungarishpa, shuctac dioscunata catishpa paicunapac ñaupapi cumurishpa, adorashpaca, tucuimi tucuringuichic nishpami huillani.

SANTIAGO 1:27

Diospac ñaupapi mapa illac, Diosta alli cricmi cani ninaca, llaquipi cac viuda huarmicunatapish, taita mama illaclla cac huahuacunatapish ayudanami can. Shinallatac cai pachapi tiyac imapish mana allicunamanta huacaichirinami can.