JEREMÍAS 7:23 - Dios Rimashcata Quillcashcami

²³ Chaipac randica ñucaca: Cancunaca ñuca ima nishcata cazuichic. Cancuna cazucpica, cancunapac Diosmi casha. Cancunapish ñuca acllashcacunami canguichic. Ñuca mandashcacunata cazushpaca, allimi causanguichic nircani.

JEREMÍAS 7:23 Iomraidhean Croise

JOB 36:11

Chaita uyashpa paita servishpaca sumac punzhacunata, huatacunata causashpami huañuicaman cushicuihuan causanga.

SALMOS 119:3

Pai munashca shina causaccunaca ima millaita mana ruhuancunachu.

SALMOS 40:6

Animalcunata canman cushpa huañuchichunpish, ofrendata cuchunpish mana munanguichu. Juchacunamanta animalcunata cushpa, tucui rupachichunpish mana mañashcanguichu.

SALMOS 81:13

¡Ñuca acllashcacuna ñuca rimashcata uyashca cacpi, israelcuna ñuca mandashca shina purishca cacpica,

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 16:32

Moisesca: —Mandac Diosca: “Ñuca Egipto llactamanta llucchishpa, shitashca pambapi carashca tandata shuc gomer jundata pallashpa, cancunapac huahua huahuacuna ricuchun huacaichichic” nishpami mandarca— nirca.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

JEREMÍAS 11:4

Cai rimashcataca cancunapac ñaupa taitacunata Egiptomanta llucchimui punzhami mandarcani. Paicuna fierrota yacuyachina hornopi shina causacucpi, chaimanta llucchimushpami: Ñuca rimashcata uyashpa, ñuca mandashca shina causaichic. Shina causashpaca, ñuca acllashcacunami canguichic. Ñucapish cancunapac Diosmi casha.

JEREMÍAS 11:7

Ñaupa taitacunata Egiptomanta llucchimushca punzhamanta cunancamanmi: Ñuca mandashcacunata uyaichic nishpa punzhanta mandacurcanilla.

JEREMÍAS 13:11

Israelcunapish, Judá llactapi causaccunapish chumbi runapac cinturapi pilluric shina, ñucahuan tandarishpa, ñuca llacta tucushpa, ñucata allimari cangui nichunmi cayarcani. Ashtahuanpish paicunaca mana cazurcachu. Chaitaca Mandac Dios ñucami nini» nirca.

JEREMÍAS 22:21

Ñuca can alli causacucpi, rimacpi canca: “¡Manatac uyashachu!” nircanguimi. Canca chashnami huambramanta pacha ñuca rimashcata manatac uyasha nishpa causarcangui.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

JEREMÍAS 24:7

Ñucaca Mandac Dios cashcata ricsichunmi paicunamanca alli yuyaita cusha. Paicunaca ñuca acllashcacunami canga. Ñucaca paicunapac Diosmi casha. Chaica, paicunaca tucui shunguhuanmi ñucapacman cutinga.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.

JEREMÍAS 38:20

Shina nicpimi Jeremiasca: —Mana paicunapac maquipi churangachu. Cunanca Mandac Dios rimashcata ñuca huillashcata alli uyai. Chaita uyashpaca, mana llaqui tucunguichu, allimi causangui.

JEREMÍAS 42:6

Mandac Dios imatapish ruhuachun nishcataca alli canatapish, mana alli canatapish ruhuashunllami. Cantaca mañachunmi cachanchic. Chashna alli ruhuashpami alli causashun— nirca.

SOFONÍAS 3:2

Mandac Dios rimashcatapish mana uyanchu, alli tucuchun nishpa llaquichicpipish, mana cazunchu. Diospacman mana cuchuyanchu, Mandac Diospica mana shunguta churanchu.

ZACARÍAS 6:15

Carupi causaccuna shamushpami, Mandac Diospac huasita shayachinata ayudanga. Chaita ricushpami, Mandac Diosllatac cancunapacman ñucata cachashcata yachanguichic. Mandac Dios rimashcata uyashpa cazucpimi, chashnaca tucunga.

ZACARÍAS 7:7

¿Manachu caicunataca Jerusalenpi causaccunapish Neguevpi, Sefela pambapi cushilla causacucpi, Mandac Diosca pai ima nishcata ñaupa huillaccunata huillachirca?

ROMANOS 16:26

Huiñaita causac Dios mandashca shinami, cunanca chai pacashcataca Dios ima nishcata huillaccuna quillcashca shina ricuchin. Cai pacashcatami tucui cai pachapi causaccuna crishpa cazuchun ricuchishca.

2 CORINTIOS 10:5

Chashnami juchanchiccunatapish, «allimi canchic» nishpa, Diosta ricsinata jarcaccunatapish, tucui chingachishpa gentecunapac yuyaica Cristota cazuchun nishpa paiman chayachinchic.

DEUTERONOMIO 11:27

Chaica, cunan ñuca huillashca Mandac Dios mandashcacunata cazushpaca bendiciashcami canguichic.

DEUTERONOMIO 13:4

Mandac Diosllata catinguichic. Paita manchanguichic. Pai ima nishcata uyashpa, pai mandashcacunata pactachinguichic. Paillata servishpa catinguichic.

DEUTERONOMIO 13:5

Ashtahuanpish chai huillac, mana cashpaca muscuc runaca cancuna Egiptopi huatashca shina causacucpi, llucchic Mandac Diospac contra huillashcamantaca huañuchishcami canga. Chai huillacca cancunata Mandac Dios ima shina causachun yachachishcamanta anchuchishpami pandachisha ninga. Chashna huañuchishpami cancunapac chaupimanta millaita anchuchinguichic.

DEUTERONOMIO 30:2

Cancunapish, cancunapac churicunapish ñuca mandashca shina, tucui shunguhuan, tucui almahuan Mandac Diospacman cutiricpica,

DEUTERONOMIO 30:20

Mandac Dios nishcata uyashpa, pai munashca shina causaichic. Ñaupa taita Abrahamman, Isaacman, Jacoboman cungapac ari nishca llactapi unaita causangapacmi chashna cazuna canguichic. Chashna cazushpami causaita charinguichic» nirca.

DEUTERONOMIO 30:8

Ashtahuanpish cancunaca, Mandac Diosman cutirishpami pai rimashcata uyashpa, cai ñuca nishca mandashcacunata pactachishpa causanguichic.

DEUTERONOMIO 4:10

Horeb urcupi Mandac Diospac ñaupapi cancuna cacpimi, paica: “Ñuca nishcacunata uyachun, tucui israelcunata ñuca ñaupaman tandachi. Caicunata yachacushpami, cai pachapi causashpaca ñucata manchashpa causangacuna, shinallatac huahuacunamanpish yachachinga” nirca.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 5:16

Mandac Dios ñuca cushca llactapi unaita causangapac, chaipi alli causangapacca canta Mandac Dios ñuca mandashca shina cambac taita mamata cuyangui.

DEUTERONOMIO 5:29

¡Paicunaca shungumanta manchashpa, tucui punzhacuna tucui ñuca mandashcacunata cazushpa causashpami alli canman! Shina ruhuashpami, paicunapish, paicunapac huahuacunapish tucui causaipi alli canga.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

DEUTERONOMIO 6:3

Israelcunalla uyaichicyari. Lechepish, mishquipish yacu shina callpacuc llactapi tucui imata cancuna ruhuashca alli llucshichunca caicunata yuyarashpami, pactachina canguichic. Chashnami ñaupa cancunapac taitacunaman Mandac Dios nishca shina achca tucushpa causanguichic.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

1 SAMUEL 15:22

Shina nicpimi Samuelca: —Mandac Diosca, ¿paiman cushpa, tucui rupachicpi, paiman animalcunata cushpa huañuchicpichu cushicunga? Ashtahuanpish pai mandashcata cazunami Diosman animalta huañuchinatapish ashtahuan yalli alli can. Shinallatac ovejacunapac huirata cunapac randica pai nishcata uyanami ashtahuan alli can.