JEREMÍAS 7:20 - Dios Rimashcata Quillcashcami

²⁰ Ñucaca yallita piñarishpami, cai llactata llaquichigrini. Runacunatapish, animalcunatapish, pambapi shayacuc yuracunatapish, allpapi pucushca granocunatapish mana huañuc ninahuami llaquichigrini» ninmi.

JEREMÍAS 7:20 Iomraidhean Croise

2 REYES 22:17

Ñucata saquishpa shuc dioscunaman inciensota rupachishcamantami chashna llaquichigrini. Cancunapac maquihuan chashna mana allita ruhuashpami, ñucataca yallita piñachircanguichic. Chaimantami cai llactapi causaccunahuanca nina japiric shina yallita piñarircani. Chashna piñarishcamantaca manatac alli tucushachu’ ninmi.

ISAÍAS 10:17

Israelcunapac luzca ninami tucunga. Jucha illac Diosca rupacuc ninami tucunga. Chashnami shuc punzhallapi cardoscunata, cashacunata rupachic shina tucuchinga.

ISAÍAS 42:25

Chaimantami paica israelcunahuan yallita piñarishpa, jatun macanacuita jatarichishpa llaquichirca. Muyundita ninata japichicpipish, mana entendircacunachu. Nina culun nishpa tucuchicucpipish, mana yuyarircacunachu.

ISAÍAS 66:24

Ñuca ñaupamanta llucshishpa cachashca, ñucata mana cazushpa cariyaccuna huañushpa, siricuctami ricunga. Paicunata micuc curucunaca manatac huañungachu. Paicunata rupachic ninaca manatac huañungachu. Paicunaca tucui gentecunapac ñaupapimi millanayachishca canga» ninmi.

JEREMÍAS 11:16

Ñucaca: Sumacta pucuc, alaja ricuric olivos yurami cangui nicmi carcani. Shina cacpipish, ninata churashpa, pangacunata culun nichishpa rupachicpica, ramacunaca paquirircami.

JEREMÍAS 12:4

¿Ima punzhacamantac ñucanchic allpaca quihuacunapish mana huiñashca shitashca pamba shina canga? Cai llactapi causaccuna mana allita ruhuashcamantami pambata puric animalcunapish, volac animalcunapish huañushpa tucurirca. Paicunaca: «Diosca ñucanchictaca mana tucuchingachu» nishpami, mana allita ruhuarca.

JEREMÍAS 14:16

Paicuna huillashcata uyaccunapish jatun macanacuipi yarcaihuanmi huañunga. Chai huañushcacunataca Jerusalén ñancunapimi shitanga. Paicunapac huarmicunatapish, churicunatapish, ushicunatapish pi enterrac mana tiyangachu. Chashnami paicuna mana allita ruhuashca shinallatac llaquichisha.

JEREMÍAS 17:27

Ashtahuanpish samana punzhata ñucapaclla cachun mana chicanyachisha nicpi, ñuca mandashcata mana uyacpi, chai samana punzhapi ama imata apashpa Jerusalén pungucunata yaicuchun nishcata mana cazucpica, chai pungucunataca ninata churashpami rupachisha. Chai ninaca Jerusalenpi tiyac mandana huasicamanmi rupachinga. Chai ninaca rupacungallami” ninmi ningui» nirca.

JEREMÍAS 17:4

Ñuca cushca llactatapish shitashpa, cancuna mana ricsishca llactacunapi cancunata piñaccunata servishpa causachunmi saquisha. Cancuna yallita piñachishcamantami nina japiric shina piñarishca cani. Chai ninaca huiñaitami rupacungalla.

JEREMÍAS 18:23

Mandac Dioslla, paicuna ñucata huañuchingapac yuyaricushcataca yachanguimi. Paicunapac juchacunata ama cungaringuichu. Paicuna mana allita ruhuashcataca ama perdonanguichu. ¡Paicuna cambac ñaupapi urmachun, nina japiric shina piñariyari!

JEREMÍAS 21:12

Davidpac huasi ucupurataca: Ima llaquicunataca tucui tutamanta allichichic. Llaquichishca runataca llaquichic runapac maquimanta cacharichishpa, allita ruhuaichic. Cancuna mana allita ruhuashcamanta nina japiric shina, ñuca ama piñarichunmi chashna ruhuana canguichic. Chai ninataca pipish mana huañuchi pudingachu.

JEREMÍAS 42:18

Israelcunapac tucuita Mandac Diosca: Ima shinami ñuca nina japiric shina piñarishpa Jerusalenpi causaccunata yallita llaquichircani, chashnallatacmi Egipto llactaman riccunatapish llaquichisha. Chaipimi cancunaca mana alli nishcapish, pingaichishcapish, tucuipac mancharinapish causanguichic. Cai llactataca mana cutin ricunguichicchu ninmi.

JEREMÍAS 44:6

Chaimantami nina japiric shina piñarishpa, Judá llactacunapipish, Jerusalén callecunapipish rupachic shina llaquichircani. Chai llactacunaca cunan punzhacamanmi tucuchishca, shitashca pamba siricun» ninmi.

JEREMÍAS 6:11

Chaimantami can Mandac Dios piñarishca shinallatac ñucapish yallita piñarishpa, mana ricunayachini» nircani. Shina nicpimi, Mandac Diosca: «Ñanpi puricuc huahuacunatapish, tandanacushca mosocunatapish llaquichi. Cusapish, huarmipish, tauca huatayuc yuyacpish, prezu apashcami canga.

JEREMÍAS 6:12

Ñuca chai llactapi causaccunata llaquichicpimi, huasicunatapish, allpatapish, huarmicunatapish shuccuna japinga.

JEREMÍAS 8:13

Mandac Diosca: «¡Ñucaca tucuimi tucuchigrini! Uvas chagrapi shuc uvasllatapish, higo yurapi shuc granollatapish mana saquic shinami tucuchisha. Yuracunapish pangacuna chaquishpa urmangami. Paicunaman ñuca cushcatapish shuccunamanmi cugrini» ninmi.

LAMENTACIONES 4:11

Mandac Diosca nina japiric shina yallita piñarishpami yallita llaquichishpa pai munashcata ruhuarca. Sionpi ninata japichishpami, callari rumicunacaman tucuchirca.

EZEQUIEL 22:22

Cullquita hornopi yacuyachic shinami cancunataca ninapi yacuyachisha. Shina ruhuacpimi, Mandac Dios ñuca piñarishpa, cancunata llaquichishcata yachanguichic nini” ninmi ningui» nirca.

EZEQUIEL 7:12

Chai punzhapish, chai horaspish chayamushcami. Imata randishpapish ama cushicuchun, imata catushpapish ama llaquirichun. Ñuca piñarishpa cachashca llaquicunaca tucuitami llaquichinga.

EZEQUIEL 7:14

Macanacuiman llucshingapac trompetapi tocacpipish, pi mana llucshingachu. Tucuitami ñuca yallita piñarishpa llaquichisha.

DANIEL 9:11

Tucui israelcunami can mandashcata mana cazushcanchicchu, cambac rimashcata mana uyashcanchicchu, juchallishcanchicmi. Chaimantami cai llaquicunapish, canta servic Moisés mandashpa ari nishcapish ñucanchicta llaquichicun.

LEVÍTICO 26:28

ñucapish piñarishpami canchis cutin yallihuan cancunapac juchamantaca llaquichisha.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

SOFONÍAS 1:2

Mandac Diosca: «¡Tucui cai pachapi tiyaccunatami tucuchisha!

SOFONÍAS 1:3

Gentecunatapish, animalcunatapish, volac animalcunatapish, mama cuchapi causac challuacunatapish, ñucata mana manchaccunatapish, cai pachapi causac gentecunatapish, tucuitami chingachisha.

ZACARÍAS 7:12

Paicunaca tucuita Mandac Dios mandashcatapish, paipac Espíritu huillashcatapish, pai ima nishcata ñaupa huillaccuna huillashcatapish mana uyashun nishpa, diamante rumi shina sinchi shungu tucurca. Chaimantami tucuita Mandac Diosca paicunahuan nina japiric shina piñarirca.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

SAN MATEO 3:12

Paica huairachinahuanmi trigota tamomanta chicanyachic shina ñalla chicanyachinga. Granotaca huacaichinapimi huacaichinga. Cutin tamotaca jaicapi mana huañuc ninapimi rupachinga» nirca.

APOCALIPSIS 14:10

Diosmanta shamuc jatun llaquitami imahuan mana chagrushca vinota vasopi tallishpa ubiac shina Diospac piñaitaca chasquinga. Chaicunaca Pactalla Ovejapac ñaupapi, shinallatac Diospaclla cac angelcunapac ñaupapimi ninahuanpish, azufrehuanpish llaquichishca canga.