JEREMÍAS 7:10 - Dios Rimashcata Quillcashcami

¹⁰ Cancunaca, ¿chashna causacushca jahuachu ñuca shutipi mañana huasiman shamushpa, ashtahuan millaicunata ruhuashpa: ‘Ñucanchicca quishpirishcami canchic’ ninguichic?

JEREMÍAS 7:10 Iomraidhean Croise

1 REYES 9:3

Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

2 REYES 21:4

Mandac Diospac huasipipish altarcunatami shayachirca. Chai huasitami Mandac Diosca: «Jerusalenpimi ñuca shutita churasha» nishca carca.

2 CRÓNICAS 33:4

Mandac Diospac huasipipish altarcunatami shayachirca. Chai huasitami Mandac Diosca: «Jerusalenpimi ñuca shutica huiñaita canga» nishca carca.

2 CRÓNICAS 33:7

Ruhuashcalla diostapish Diospac huasipimi churarca. Chai huasimantami Davidtapish, paipac churi Salomontapish Mandac Diosca: «Cai huasita, shinallatac Jerusalentami tucui Israel aillupuramanta acllarcani. Cai huasipimi ñuca shutica huiñaita causachun churasha.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

ISAÍAS 48:2

Shina cashpapish: “Jucha illac llactamantami canchic. Israelcunapac Diosta yuyarishpami causanchic. Paipac shutica tucuita Mandac Diosmi” ninguichicmi.

JEREMÍAS 32:34

Chaipac randica, ñucata mañana huasipimi paicuna ruhuashca millana dioscunata churashpa mapayachirca.

JEREMÍAS 34:15

Cancunata servic huauquicunata cacharishpaca ñuca mandashcatami ruhuanguichic. Allita ruhuasha nishpami, ñucata mañana huasipi, ñucapac ñaupapi ari ninacushpa, paicunata cacharircanguichic.

JEREMÍAS 44:9

¿Cancunapac ñaupa taitacunapish, Judá llactata jatun mandaccunapish, paicunapac huarmicunapish, cancunapish, cancunapac huarmicunapish Judá llactapi, Jerusalén ñancunapi yalli mana allita ruhuashcataca, manachu yuyaringuichic?

JEREMÍAS 7:11

Cancunaca ñuca shutita mañana huasitaca, ¿shuhuaccuna miticuna jutcu cashcatachu yuyanguichic? Cancuna imata ruhuacuctaca ñucapish ricucunimi.

JEREMÍAS 7:14

Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.

JEREMÍAS 7:30

Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

EZEQUIEL 20:39

Mandac Dios ñucaca israelcunataca: Tucui cancuna ñucata mana cazushpa, cancunapac ruhuashcalla dioscunata servishpa catichiclla. Ashtahuanpish cancunapac yanga dioscunata servishpa, chaicunaman ofrendata cushpa, ama ñuca jucha illac shutita yangapi churaichicchu.

EZEQUIEL 23:29

Paicunami cantaca yallita mana ricunayachishpa llaquichinga. Tucui can charishcacunata quichushpami lluchullata saquinga. Chashna ruhuacpimi, can huainayashpa mapayashcapish, mana allita ruhuana munaihuan purishcapish, cullquimanta huainayashcapish ricuringa.

EZEQUIEL 23:37

Paicunaca huainayaccunami, huañuchiccunami ruhuashcalla dioscunata adoraccunami. Shinallatac ñucahuan charishca churicunatapish chai dioscunaman cushpami rupachirca.

EZEQUIEL 23:39

Paicunapac huahuacunata paicunapac dioscunaman cushpa, rupachishca punzhallatacmi, ñucapaclla huasita mapayachingapac yaicurca. ¡Chaitami ñuca huasi ucupica ruhuarcacuna!

EZEQUIEL 33:25

Chaimantami canca: “Mandac Diosca: Cancunaca aichatapish yahuarndimi micunguichic. Ruhuashcalla dioscunata adoraccunapish, huañuchiccunapishmi canguichic. ¿Chashna cashca jahuachu llactataca japishunllami nicunguichic?

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

DANIEL 9:18

Mandac Dioslla, cambac ringrihuan ñuca mañashcata uyaiyari. Cambac ñahuihuan ñucanchic causanatapish, cambac shutita mañana pueblotapish ricuiyari. Ñucanchicca mana cashcata ruhuac cashcamantachu, chashna cutinpish, cutinpish mañacunchic, ashtahuanpish can yallita llaquic cashcamantami chashna mañacunchic.

OSEAS 6:9

Curacunaca shuhuaccuna shinami, Siquem ñanpi chapashpa huañuchishpa, yallita pingaipacta ruhuan.

AMÓS 4:5

¡Ñucata pagui nishpa, levadurahuan ruhuashca tandata cuichiclla! ¡Quiquin munaimanta ofrendata cushcata tucuiman huillaichiclla! ¡Israelcunalla, cancunaca chaita ruhuanatami ashtahuan munanguichic!

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

MALAQUÍAS 3:15

Cunanca, jatun tucushpa puriccunaracmi cushilla causacun. Mana allita ruhuashpa causaccunaracmi sumacta causan. Shinallatac Mandac Diosta mana cazuccunapish sumactami causan” nircanguichicmi» ninmi.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi: “Ñucahuan micucucllatacmi ñucataca piñanga” nishca pactachunmi, chashnaca tucunga.

SAN JUAN 18:28

Curacunata mandac Caifaspac huasimantaca, Roma llactata mandashpa tiyana huasimanmi Jesusta aparcacuna. Ña tutamantami carca. Chaimantami Pascua micuita micungapacca ama mapayashun nishpa, israelcunaca jatun mandacpac ucuman mana yaicurca.