JEREMÍAS 6:25 - Dios Rimashcata Quillcashcami

²⁵ Paicunaca espadahuanmi chapacun. Tucui llactapimi manchai tiyan. Chaimanta pambamanpish, ñanmanpish ama llucshinguichicchu” nirca.

JEREMÍAS 6:25 Iomraidhean Croise

2 CRÓNICAS 15:5

Chai huatacunapica pipish mana sumacta causai pudircachu. Ashtahuanpish tucui llactapi causaccunami huasipi cashpapish, ñanpi cashpapish llaquita charircacuna.

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

SALMOS 31:13

Huashalla parlanacushcatami taucata uyani. Maipipish manchaihuanmi purini. Ñuca causaita tucuchingapacmi pacalla tandanacushpa parlanacuncuna.

ISAÍAS 1:20

Ashtahuanpish cariyashpa, mana uyasha nishpaca jatun macanacuipimi tucuringuichic. Chaitaca Mandac Dios ñucami nini» ninmi.

JEREMÍAS 14:18

Pambaman llucshishpaca, jatun macanacuipi huañuchishcacunata, llactaman yaicushpaca, yarcaihuan ungushcacunatami ricuni. Diosmanta huillaccunapish, curacunapish paicuna mana ricsishca llactapimi puricurca” ningui» nirca.

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

JEREMÍAS 30:5

rimashpaca: «Paicuna yallita mancharishpa sinchita caparishcatami uyani. Cushi causaica mana tiyanchu. Yalli manchaillami tiyan.

JEREMÍAS 4:10

Shina nicpimi ñucaca: «¡Aij, Mandac Dioslla! Ñucanchicca espadahuan huañunallami canchic. Judá llactapi, Jerusalenpi causaccunata: “Cancunaca cushi causaitami charinguichic” nishpaca, llullashcanguimi» nircani.

JEREMÍAS 4:5

Mandac Diosca: «Judá llactapipish, Jerusalenpipish: “¡Cai llactapi cornetapi tocaichic!” nichicyari. Shinallatac sinchita caparishpa: “¡Muyundita pircashca llactacunaman tandanacushpa yaicushunchic!” nichicyari.

JEREMÍAS 46:5

¿Ima nishpatac mancharishpa, huashaiman cuticunguichic? Egipto sinchi soldadocunaca manchaihuanmi mana tigra ricushpa, miticungapac callpan. Tucui ladopimi manchai tiyan.

JEREMÍAS 49:29

Paicunapac carpa huasicunatapish, ovejacunatapish quichungacunami. Paicuna jarcarina lienzocunatapish, tucui charishcacunatapish, camellocunatapish quichushpa japingacunami. Chashna quichucpimi paicunaca: “¡Tucui muyundipimi manchai tiyan!” nishpa caparinga.

JEREMÍAS 49:5

Riquichic, ñucami cancunapac muyundi llactacunamanta yalli manchaita apamugrini. Shina ruhuacpica, tucui cancunami caita chaita callpanguichic. Shina miticushpa riccunataca pi mana ayudashpa cutin tandachingachu.

JEREMÍAS 8:14

Gentecunaca: «¿Imapactac caipi tiyacunchiclla? Mandac Diosca ñucanchicta huañuchicunmi. Chaimanta tandanacushpa, muyundita jatun pircashca llactaman yaicushpa, chaipi huañushunchic. Juchata ruhuashpami, Mandac Diosta piñachishcanchic. Chaimantami paica yacuta venenohuan chapushpa ubiachishca.

JEREMÍAS 8:15

Alli causaita shuyacucpica, alli causai punzhaca mana shamunchu. Jambirinata munacucpica, yalli manchaimi japin.

LAMENTACIONES 2:22

Fiestaman cayac shinami, tucui ladomanta llaquichiccunataca apamurcangui. Mandac Dios can piñarishca punzhapica pipish mana causacca saquirircachu. Ñuca cuidashpa huiñachishca huahuacunataca ñucata piñaccunami huañuchirca.

EZEQUIEL 21:17

Ñucapish maquita huactashpami, ñuca piñarishcata pasachisha. Chaitaca Mandac Dios ñucami nini» nirca.

EZEQUIEL 7:18

Sharpa churanahuanmi llaquihuanpish, yalli manchaihuanpish tiyacunga. Tucuimi pingaihuan cangacuna, uma acchatapish pitiringami.

SAN LUCAS 19:43

Cancunata piñaccuna shamushpa, muyundita jarcashpa shayarina punzhacunami shamun.