JEREMÍAS 6:21 - Dios Rimashcata Quillcashcami

²¹ Chaimantami Mandac Diosca: «Cai gentecunamanca mitcarinatami churagrini. Chaipi mitcarishpami taitacunapish, churicunapish, vecinopish, shuctac gentecunapish huañunga» nin.

JEREMÍAS 6:21 Iomraidhean Croise

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

ISAÍAS 8:14

Shina cacpimi, paicunapac huasi shina casha. Shina cashpapish ishcai llacta israelcunapacca mitcarina rumi shina, cutin Jerusalenpi causaccunapacca tuclla shinami casha.

ISAÍAS 8:15

Paicunapuramanta taucacunami urmashpa huañunga. Maijancunaca mitcarishpa, llaqui tucushpami prezuringa.

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

JEREMÍAS 18:21

Chaimanta paicunapac churicunata yarcaipi, jatun macanacuipi huañuchichun saquiyari. Huarmicunatapish huahua illac, cusa illac saquirichun, cusacunataca jatun macanacuipi huañuchichun, mosocunatapish espadahuan chugrichichun saquiyari.

JEREMÍAS 18:23

Mandac Dioslla, paicuna ñucata huañuchingapac yuyaricushcataca yachanguimi. Paicunapac juchacunata ama cungaringuichu. Paicuna mana allita ruhuashcataca ama perdonanguichu. ¡Paicuna cambac ñaupapi urmachun, nina japiric shina piñariyari!

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

EZEQUIEL 3:20

Shinallatac cashcata ruhuac runa cashcata ruhuanata saquishpa, millaita ruhuangapac cuticpica, mitcarishpa urmanatami churasha. Pai alli tucuchun, can mana rimacpica, paipac juchamantami huañunga. Pai cashcata ruhuashcataca mana yuyarishachu. Ashtahuanpish pai huañushcamantaca cantami juchanchisha.

EZEQUIEL 5:10

Chaimantami cancunapac chaupillapica taitacunaca huahuacunata, huahuacunaca taitacunata micunga. Cancunata llaquichishpa, maijanlla saquiriccunataca caita, chaita catishpami cachasha.

LEVÍTICO 26:37

Manapish pi caticucpimi, espadahuan caticucpi shina, callpashpa caishuc chaishuc huactarishpa urmangacuna. Cancunata piñaccunahuanca mana cariyai pudinguichicchu.

ROMANOS 11:9

Shinallatac Davidca: «Paicunapac jatun micuica tuclla tucuchun, tiyarinapish mitcarina tucuchunmi mañani.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

1 PEDRO 2:8

Shinallatac: «Cai rumipimi mitcarishpa urmangacuna» ninmi. Paicunaca Dios rimashcata mana cazushcamantami mitcarincuna. Paicunaca chashna tucuchun nishcami cancuna.