JEREMÍAS 6:15 - Dios Rimashcata Quillcashcami

¹⁵ ¿Millana juchata ruhuashcamantaca pinganchu? ¡Paicunaca mana pinganchu! ¡Ima shina pinganatapish mana yachanchu! Chaimantami paicunaca ñuca llaquichi punzhapica, urmaccunahuan pacta llaquipi urmanga. Chaitaca Mandac Dios ñucami nini» nirca.

JEREMÍAS 6:15 Iomraidhean Croise

GÉNESIS 19:34

Cayandi punzhaca punta ushica quipa ushitaca: —Riqui, caina tutaca ñucanchic taitahuanmi sueñurcani. Cunan tutapish cutinllatac vinota ubiachishpa machachishun, paihuan sueñungui. Chashna sueñushpami, ñucanchic taitamanta huahua huahuacunata charishun— nirca.

ÉXODO 32:34

Cunanca, ñuca maimanmi pusharichun nishcaman israelcunataca pushai. Ashtahuanpish ñuca cachashca angelmi cambac ñaupata pushashpa ringa. Shina cacpipish, taripashpa llaquichina punzha chayamucpimi, paicunapac juchamantaca llaquichisha— nirca.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 3:9

Paicunapac ñahuillatacmi paicunapac juchataca ricuchicun. Sodoma pueblopi causaccuna shinami, tucuipac ricuipi juchata ruhuancuna. Imatapish mana pinganchu. ¡Aij, paicunapac almalla, imachari tucunga! Paicunallatacmi jatun llaquitaca yallita mirachishca.

JEREMÍAS 14:15

Chaimantami Mandac Dios ñucaca chai manapish ñuca cachacpi rishpa huillaccunataca: “Jatun macanacuipish, yalli yarcaipish mana tiyangachu” nishpa, ñuca shutipi llullaccunaca paicunaracmi jatun macanacuipi yarcaihuan huañunga.

JEREMÍAS 18:23

Mandac Dioslla, paicuna ñucata huañuchingapac yuyaricushcataca yachanguimi. Paicunapac juchacunata ama cungaringuichu. Paicuna mana allita ruhuashcataca ama perdonanguichu. ¡Paicuna cambac ñaupapi urmachun, nina japiric shina piñariyari!

JEREMÍAS 23:12

Chaimantami paicunapac ñanca pura tutapi lluchcarina ñan shina canga. Chaipica ñuca tangacpimi, urmashpa llaqui tucunga. Ñucallatacmi paicunamanca yallita llaqui punzhacunata apamusha.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

JEREMÍAS 44:10

Cunan punzhacamanmi cancunaca mana llaquirishcanguichic, mana manchanguichic. Ñuca mandashcacunata, pactachichun rimashcacunataca, cancunapac taitacunapish, cancunapish mana cazushcanguichicchu.

JEREMÍAS 5:29

Chaimantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

JEREMÍAS 5:9

Chai juchamantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

JEREMÍAS 8:9

Alli yachaccunapish mancharishpami, pingaihuan imatapish mana ruhuai pudishpa saquiringa. Mandac Dios rimashcata mana ricunayachic gentecunaca, ¿maitatac yachac cangayari?

EZEQUIEL 13:14

Chashnami cancuna turuhuan llutashca pircataca urmachishpa, tucui chingachisha. Callari rumicunapish ricunallami saquiringa. Chai pirca urmacpica, tucuimi huañunguichic. Chashna ruhuacpimi, ñucataca Mandac Dios cashcata yachangacuna.

EZEQUIEL 2:4

Ñucami cantaca piña ñahui, sinchi shungu runacunapacman cachani. Paicunataca: «Mandac Diosca cashnami nin» ningui.

EZEQUIEL 24:7

Cai llactaca yahuarpi cahuirishcami. Chai yahuarta allpa tapachunpish mana allpapi tallircachu, ashtahuanpish llambuclla rumi jahuapimi tallishca.

OSEAS 4:5

Punzha pachami llaquipi urmanguichic. Ñucamanta huillacpish cancunahuanmi llaquipi urmanga. Cancunapac mamapish chingaringami

OSEAS 9:7

¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

MIQUEAS 3:6

Chaimantami tutaca ña mana ñuca ima nishcataca uyanga. Shamuc punzha ima tucunatapish mana yachangachu. Chai huillaccunapacca intipish tigrangami, punzhapish tutayangami.

MIQUEAS 7:4

Paicunapuramanta alli nishca runaca casha shinami. Allita ruhuac runaca zarza yura shinami. ¡Chapac runacuna huillashca shinami, llaquichina punzhapish pactamun! ¡Cunanmi musparishpa imatapish mana ruhuai pudinguichic!

SOFONÍAS 2:1

Mana pingac gentecunalla, tandanacushpa llaquirichicyari.

SOFONÍAS 3:5

Mandac Diosca paicunapac chaupipica cashcata ruhuacmi, ima millaitaca mana ruhuangachu. Paica cada tutamantami cashcata ruhuashpa taripan. Chaita ruhuanataca jaicapi mana cungaringachu. Ashtahuanpish mana allita ruhuac runaca mana pinganchu.

ZACARÍAS 13:4

Chai punzhapica muscuipi shina ricushcata llullashpa huillaccunaca pingaichishcami canga. Paicuna millmayuc churanacunata churarishpa llullanaca tucuringami.

SAN MATEO 15:14

Ñahui mana ricuc shina pushaccunataca saquichiclla. Ñahui mana ricucpura pushanacushpaca, ishcaitacmi jutcupi urmanga— nirca.

FILIPENSES 3:19

Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.