JEREMÍAS 51:51 - Dios Rimashcata Quillcashcami

⁵¹ Paicunaca: «Caru llacta gentecunami Mandac Diospaclla huasi ucuman yaicushca. Chaimantami ñucanchicca burlashca, asishca, yallita pingaichishca canchic. Chaimantami ñahuita maipi churanata mana pudishpa, pingaihuan canchic» ningacuna.

JEREMÍAS 51:51 Iomraidhean Croise

SALMOS 109:29

Ñucata yanga juchanchiccunaca churanata churaric shina pingaihuan cachun. Shinallatac jahuallata churarishca shina pandarishca cachun.

SALMOS 71:13

Ñuca causaita tucuchishun niccunaca pingaichishpa chingachishca cachun. Ñucata llaquichishun niccunaca muspachishpa, yallita pingaichishca cachun.

SALMOS 79:1

Sumac Dioslla, shuctac llacta runacunami cambac llactata quichungapac shamushca. Cambaclla huasitapish mapayachishpami Jerusalén pueblotapish urmachishpa rumi montonta ruhuashpa saquishca.

SALMOS 79:12

Mandac Dioslla, ñucanchic vecinocuna canta mana alli nishpa rimashcamantaca canchis cutincaman paicunatapish llaquichiyari.

SALMOS 79:4

Ñucanchic vecinocunapac camishcami canchic. Ñucanchic muyundi llactapi causaccunapac burlashpa asishcami canchic.

SALMOS 89:46

Mandac Dioslla, ¿ima horascamantac caruyashpa ñahuita pacagringui? ¿Huiñaitachu ñucanchic-huanca nina japiric shina piñarigringui?

ISAÍAS 13:1

Mandac Dios Babilonia llacta llaqui tucunamanta Amozpac churi Isaiasman muscuipi shina ricuchishpa huillashpaca:

ISAÍAS 14:1

Mandac Diosca Jacobopac huahuacunata cutin llaquishpami, israelcunataca paipaclla cachun acllanga. Shina ruhuashpami, quiquin llactallamantac cutichimushpa samachinga. Shuc llactamanta shamushcacunapish Jacobopac huahuacunahuan tandanacungami.

ISAÍAS 21:1

Mama cucha patapi tiyac shitashca pamba llaqui tucunamanta huillashcami: Shitashca pamba Neguevmanta acapana huaira shamuc shinami, manchana llactamanta shitashca pambata shamunga.

ISAÍAS 47:1

Mandac Diosca: «Carihuan manarac chayarishca soltera shina Babilonia llactalla, mandanamanta uricushpa, ñuto allpapi tiyariyari. Caldeocunapac ushilla, cantaca mana cutin: “Sumacmi, allimi cangui” ningacunachu. Can mandanamanta uricushpa, allpapi tiyariyari.

JEREMÍAS 14:3

Mandaccunami serviccunata yacuman cachan. Paicuna yacu junduman rishpa, mana yacuta tarishpaca, chushac puñucunahuanmi yallita pingaihuan umata taparishpa cutincuna.

JEREMÍAS 25:26

Jahua llacta jatun mandaccunamanpish, cuchullapi causaccunamanpish, carupi causaccunamanpish, tucui cai pacha mandaccunamanpish curcanimi. Paicunapac quipaca Babilonia llactata jatun mandacmi ubianga.

JEREMÍAS 31:19

Canmanta caruyashca quipaca yallitami llaquirini. Ñucaca mana allita ruhuashcata yuyarishpami shungupi huactarircani. Huambrarac cashpa juchata ruhuashcamantami yallita pingaihuan cani. Chaitaca manatac cungarishachu” nishpa, huacactami uyarcani.

JEREMÍAS 52:13

Chashna rishpami, Mandac Diospac huasitapish, jatun mandacpac huasitapish, Jerusalenpi tiyac huasicunatapish, jatun huasicunatapish tucui rupachirca.

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.

LAMENTACIONES 2:20

Mandac Dioslla, ricuiyari. ¿Pitatac cashna ruhuashcangui? Huarmicunaca, ¿paicunapac huicsapi huiñashca huahuacunata micungachu? ¿Curapish, can ima nishcata huillacpish, can Mandac Diospac huasillapitacchu huañunga?

LAMENTACIONES 5:1

Mandac Dioslla, ñucanchic ima tucushcata yuyariyari. Ñucanchicta burlashpa rimacuctaca ricuiyari.

EZEQUIEL 24:21

“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.

EZEQUIEL 36:30

Shuctac llacta gentecuna cancuna yarcaihuan cacpi, jaicapi ama rimachunmi yuracunapi pucuc, allpa ucupi pucuc granocunatapish achcata pucuchisha.

EZEQUIEL 7:18

Sharpa churanahuanmi llaquihuanpish, yalli manchaihuanpish tiyacunga. Tucuimi pingaihuan cangacuna, uma acchatapish pitiringami.

EZEQUIEL 9:7

Cutinllatac runacunata rimashpaca: «Ñuca huasita mapayachichic. Huañushcacunata canzha pambapi montonashpa llucshichic» nirca. Shina nicpimi, paicuna chaimanta rishpaca, pueblopi causaccunata huañuchi callarirca.

DANIEL 11:31

Paipac soldadocunami Diospaclla huasitapish, jatun torretapish mapayachinga. Punzhanta Diosman cushpa rupachinatapish anchuchingami. Chaipac randica millanayaipac chingachictami churanga.

AMÓS 7:9

Isaacpac, israelcunapac dioscunata yuyarina altarcunaca tucuringami. Paicunapac dioscunapac huasicunaca shitashca pambami saquiringa. Jerobopac aillutaca espadahuanmi huañuchisha— nirca.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

MIQUEAS 7:10

Chaitaca ricushpaca ñucata piñashpa: “¿Canta Mandac Diosca maipitacyari?” nicpish, pingaihuan umata taparingami. Paicunata ñanpi turuta saruc shina llaquichishcataca ñuca ñahuihuantacmi ricusha.