JEREMÍAS 51:44 - Dios Rimashcata Quillcashcami

⁴⁴ Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

JEREMÍAS 51:44 Iomraidhean Croise

2 CRÓNICAS 36:7

Babilonia llactata jatun mandac Nabucodonosorca Mandac Diospac huasipi imalla tiyashcacunatapish apashpami Babiloniapi paipac diospac huasipi churarca.

JOB 20:15

Pai charishcacunata micushca cashpapish arcadangami. Paipac huicsa ucumantami Diosca llucchinga.

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

ISAÍAS 21:9

¡Riqui, ishcai caballocuna aisashca carretapimi runacuna shamun!» nirca. Shina nishca quipaca: «¡Babilonia llactaca urmarcami, urmarcami! ¡Tucui paicunapac yanga dioscunapish pambaman urmashpami paquirirca!» nirca.

ISAÍAS 60:5

Chaita ricushpami, cambac ñahuica achicyac shina cushicunga. Mama cucha patapi tiyac llactacunapac sumaccunaca cambacmi canga. Shuctac llactapi causaccunapac ima charishcacunatapish canmanmi apamunga. Chaimantami cambac shunguca yallita cushicunga.

JEREMÍAS 50:15

Paicunapac muyundipi caparichic. ¡Ñamari Babilonia llactaca cumurishca! Muyundi jatun pircapish tuñirinmi. Callari rumicunapish urmanmi. Mandac Dios ñuca llaquichina punzhami chayamushca. Paicuna shuccunata llaquichishca shinallatac paicunatapish llaquichichiclla.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

JEREMÍAS 51:18

Chai dioscunaca burlashpa asinami. Yalli llaqui punzhacunapica tucuchishcami canga.

JEREMÍAS 51:34

Jerusalenpi causaccunaca: «Babilonia llactata jatun mandac Nabucodonosormi pandachirca. Ñutuchishpami micurca. Shinami chushaclla platota shina saquirca. Jatun manchana dragón shamushpami, huicsa jundata micuc shinami, ñucanchic charishca sumaccunataca tucuchirca. Chashna micushpaca ñucataca llucchishpami cacharca.

JEREMÍAS 51:47

Riquichic, Babilonia llactapi tiyac ruhuashcalla dioscunata llaquichina punzhami chayamun. Tucui llactami pingaipi saquiringa. Chai llacta chaupipimi huañunga.

JEREMÍAS 51:53

Babilonia llacta muyundi pirca jahua pachaman cacpipish, chaimanmi ñuca cachashca piñaccunaca chayanga.

JEREMÍAS 51:58

Babilonia llacta muyundi ancho pircapish tucuimi tuñiringa. Jatun pungucunapish uchupami saquiringa. Gentecunaca yangami trabajashca. Ninapi rupachunllami shuctac llacta gentecunapish yallita shaicushca» ninmi.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

DANIEL 3:29

Chaimantami ñucaca: ‘Llactapi causaccunapish, ima rimaita rimaccunapish Sadracpac, Misacpac Abed-negopac Diosta piñashpa rimacca pitinacushca canga. Paipac huasipish tucuchishcami canga. Cashna quishpichic Dios shinaca mana shuctac dios tiyanchu’ nishpami mandani» nirca.

DANIEL 4:1

Jatun mandac Nabucodonosor ñucami tucui cai pachapi causacta, jatun llactapi causaccunata, chican rimaita rimaccunata: “Cushi causaichic” nishpa quillcani.

DANIEL 4:22

canmi cangui. Jatun mandaclla, canmi chai yura shina huiñashpa sinchiyashcangui. Canca jahua pachacaman huiñac shina alli nishca cashpami tucui cai pacha tucuricaman mandacungui.

DANIEL 5:19

Chashna jatun mandac cacpimi, tucui llactacunapish, jatun llactapi causaccunapish, tucui rimaita rimaccunapish paipac ñaupapica chucchuc carca. Pai maijanta huañuchisha nishpaca huañuchicmi carca. Maijanta causacta saquisha nishpaca, causacta saquicmi carca. Maijanta jatunyachisha nishpaca jatunyachicmi carca. Maijanta cumurichisha nishpaca cumurichicmi carca.

DANIEL 5:26

Cutin chai quillcaccunaca: MENE nishpaca Diosmi mandana punzhacunata yupashpa, caicamanllami mandangui nisha ninmi.

DANIEL 5:31

Media llactamanta Dariomi mandai callarirca. Paica sucta chunga ishcai huatatami mandarca.