JEREMÍAS 51:16 - Dios Rimashcata Quillcashcami

¹⁶ Pai rimacpica, yacucunapish jahua pachapi tulun nishpa uyarinmi. Huairatapish, puyutapish tucui cai pachamanta huichaiman apanmi. Paillatacmi relampa jaguin nishpa tamyachin.

JEREMÍAS 51:16 Iomraidhean Croise

GÉNESIS 8:1

Chai quipami, Diosca Noetapish, tucui animalcunatapish jatun huambuc huasipi cacta yuyarishpa, huairata cacharca. Chai huairami yacutaca ashancaman chaquichirca.

JOB 37:13

Chashnami Diosca maijan cutinca llaquichingapac, maijan cutinca allpamanta, maijan cutinca llaquishcamanta ricuchin

JOB 38:22

¿Canca maipi rasu tiyac ucumanpish, rundu tiyac ucumanpish yaicushcanguichu?

JOB 40:9

¿Canca, ñuca shinachu sinchi rigrayuc cangui? ¿Can rimashcaca ñuca rimashca shinachu culun nishpa uyarin?

SALMOS 104:7

Can rimacpica anchurircami. Can tulun nishpa uyaricpica, utcashpami anchurirca.

SALMOS 135:7

Paimi tucui cai pachamanta puyuta huichaiman apan. Tamyachunpish relampatami cachan. Paimi huaira llucshinamanta huairatapish llucchin.

SALMOS 147:18

Chaicunataca paipac rimashcahuanmi yacuyachin. Huairata cachashpami, yacutaca caiman chaiman cuyuchin.

SALMOS 18:13

Jahua pachapi causac Mandac Diosca tulun nishpami uyarirca. Rundupish, jagan nicuc nina carbonpish urmarcami.

SALMOS 46:6

Dios rimashca uyaricpica, allpapish yacuyanmi. Llactacunapi causaccunapish caparicunmi. Jatun mandaccunapish machashpa chucchunmi.

SALMOS 68:33

Jahua pachamanta ashtahuan jahua pachapimi caballopi montashpa utca huatamanta pacha puricun. Pai jatun poderhuan rimashcata uyaichicyari.

SALMOS 78:26

Jahua pachamanta huairata cuyuchishpami, paipac tucuita ruhuac cashcahuan ura lado huairata apamurca.

ÉXODO 10:13

Shina nicpimi, Moisesca Egipto llacta jahuata maquita alzarca. Shina ruhuacpimi, Mandac Diosca inti llucshina ladomanta tucui tuta, tucui punzha huairata cacharca. Cayandi tutamantaca inti llucshina ladomanta shamuc huairaca langostacunatami apamurca.

ÉXODO 10:19

Shinami Mandac Diosca inti yaicuna ladomanta huairata sinchita cachashpa, tucui langostacunata anchuchishpa, Puca Cuchapi shitarca. Shina ruhuacpica, shuc langostallapish Egipto llactapica mana saquirircachu.

ÉXODO 14:21

Moisés maquita cucha jahuata chutacpica, Mandac Diosmi inti llucshina ladomanta sinchi huairata tucui tuta cachashpa, cuchataca ishcaipi chaupirca. Cuchaca ishcaipi chaupishpa, chaquishca allpa shina tucushpa saquirirca.

EZEQUIEL 10:5

Shinallatac querubincunapac alascuna patac nishcapish Mandac Dios rimashca shinami, paipac huasi ucupi tiyac canzha pambacaman uyarirca.

AMÓS 9:7

Mandac Diosca: «Israelcunalla, cancunaca ñuca ñaupapica, ¿manachu Etiopía llactapi causaccuna shina canguichic? ¿Manachu cancunataca Egiptomanta llucchimurcani? ¿Manachu filisteocunataca Caftor llactamanta, cutin arameocunataca Quir llactamanta llucchimurcani?» ninmi.

JONÁS 1:4

Ashtahuanpish Mandac Dios mama cuchaman sinchi huairata cachashpami, barcota yallita cuyuchirca. Chaimantami barcoca paquirinalla tucurca.

JONÁS 4:8

Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.