JEREMÍAS 50:4 - Dios Rimashcata Quillcashcami

⁴ Mandac Diosca: «Chai punzhacunaca israelcunapish, Judá runacunapish tandanacushpami cutinga. Ñucata mashcashpami, quiquin chaquihuan purishpa, huacashpa ñucapacman shamunga.

JEREMÍAS 50:4 Iomraidhean Croise

2 CRÓNICAS 7:14

Shina cachacpi, ñuca acllashcacuna yallita llaquirishpa ñucata mañacpi, ñucata mashcacpi, mana allita ruhuacushcata saquishpa, ñucapacman cutirimucpica, ñucapish jahua pachamanta uyashami. Paicunapac juchatapish perdonashami, paicunapac allpatapish allichishami.

SALMOS 105:4

Mandac Diostapish, paipac podertapish mashcaichicyari. Paipac ñahuitaca punzhanta mashcaichicyari.

ISAÍAS 14:1

Mandac Diosca Jacobopac huahuacunata cutin llaquishpami, israelcunataca paipaclla cachun acllanga. Shina ruhuashpami, quiquin llactallamantac cutichimushpa samachinga. Shuc llactamanta shamushcacunapish Jacobopac huahuacunahuan tandanacungami.

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

ISAÍAS 63:4

Paicunata llaquichina punzha chayamucuctami ñuca shungupi yuyaricurcani. Ñuca quishpichina huatami shamushca.

JEREMÍAS 31:31

Mandac Diosca: «Israel llactapi, Judá llactapi causaccunahuan ari nina punzhacunami shamugrin.

JEREMÍAS 33:15

Chai punzhacunapimi, Davidpac huahuapuramanta cashcata ruhuacta llucchisha. Paimi cai llactapica imatapish allita ruhuashpa, cashcata ruhuanga.

JEREMÍAS 41:6

Chashna chayacpimi, Netaniaspac churi Ismaelca Mizpa llactamanta huacashpa tupangapac llucshirca. Paicunahuan tupashpaca: «Ahicampac churi Gedaliaspacman shamuichic» nirca.

EZEQUIEL 16:61

Cambac punta ñañacunata, quipa ñañacunata cambac huahuacuna cachun ñuca cucpica, can ima shina causashcata, ima shina purishcata yuyarishpa pinganguimi. Mana canhuan ari nishcamantachu, paicunaca cambac huahuacuna shina canga.

EZEQUIEL 39:25

Chaimantami Mandac Dios ñucaca: Cunanca Jacobopac huahua huahuacunataca pushamushpami israelcunata cuyac cashcata ricuchisha. Chashnami ñuca shutica jucha illac cashcata ricuchisha.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

JOEL 2:12

Mandac Diosca: «Cunanca ayunashpa, huacashpa, yallita llaquirishpa, tucui shunguhuan ñucapacman cutirichic» ninmi.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SANTIAGO 4:9

¡Chaimanta llaquirichic, nanarichic shinallatac huacaichic. Asinapac randica huacaichic! ¡Cushicunapac randica llaquirichic!