JEREMÍAS 5:8 - Dios Rimashcata Quillcashcami

⁸ Huira caballocuna caticuc shinami, shucpac huarmita catirca.

JEREMÍAS 5:8 Iomraidhean Croise

GÉNESIS 39:9

Cai huasipica ñucata yalli ricucca pi mana tiyanchu. Imata mana misashpa, ricuchun cushpapish, cantaca mana curcachu. Canca ñuca amopac huarmimi cangui. Chashna cashcamantaca, ¿maitatac millaita ruhuashpa, ñuca Diosta llaquichishpa juchallishayari?— nirca.

JOB 31:9

Shuc huarmita ñuca shungupi munashca cacpi, shuc huarmita inquitangapac chapac cashca cacpica,

ÉXODO 20:14

Ama huainayangui.

ÉXODO 20:17

Ama shucpac huasita munangui. Shucpac huarmitapish, servicpac huarmitapish, canta servic huarmitapish, shucpac huagratapish, shucpac burrotapish, ima shuctac charishcatapish ama munangui» nishpami mandarca.

PROVERBIOS 6:29

Maijanpish shucpac huarmihuan purishpaca chashnallatacmi tucun. Maijanpish chashna chayarishpaca, llaquita apangatacmi.

JEREMÍAS 13:27

Can yallita huainayashpami pucushca caballo shina lomacunapi caparishpa, jatun mana allita ruhuarcangui. Pambapica jatun millanacunata ruhuacuctami ricurcani. ¡Aij, Jerusalenlla! ¿Ima horascamantac ñucapac ñaupapica mapa illac tucugringui?» ninmi.

JEREMÍAS 23:10

Cai llactaca huainayashpa juchacunata ruhuaccuna jundami. Mandac Dios mana alli nicpimi, allpapish shitashca pamba shina, michina pambacunapish tucui chaquishca. Shuccunata llaquichingapacllami sinchi cancuna» nirca.

JEREMÍAS 29:23

Paicunaca israelcunapurapica huainayashapami yalli mana allita ruhuarca. Manapish ñuca huillachun cachacpimi, llullashpa ñuca shutipi huillarca. Chaitaca tucuimi yachani, ñucami chaitaca ricurcani. Chaitaca Mandac Dios ñucami nini» ninmi nirca.

JEREMÍAS 50:11

Caldeocunalla, ñuca llactata tucuchishpaca, cushicuihuan saltashpa, llullu quihuaman beci yaicushca shinami cushilla carcanguichic. Caballocuna huacacuc shinami caparicurcanguichic.

JEREMÍAS 9:2

¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.

EZEQUIEL 22:11

Maijancunaca shucpac huarmihuanmi huainayan. Quiquin nuerahuan, quiquin panillahuan sueñushpami pingana juchata ruhuan.

DEUTERONOMIO 5:18

Ama huainayanguichu.

DEUTERONOMIO 5:21

Ama shucpac huarmita munanguichu. Shinallatac shucpac huasita, chagrata, servic carita, servic huarmita, huagrata, burrota, imatapish ama munanguichu” nircami.