JEREMÍAS 5:19 - Dios Rimashcata Quillcashcami

¹⁹ Chai punzhapi maijan: “Mandac Diosca, ¿imamantatac ñucanchictaca chashna llaquichin?” nicpica: “Cancunallatac Mandac Diosta saquishpa, cancunapac llactapi shuctac dioscunata servinguichic. Chashnallatacmi cancunaca mana ricsishca runacunata servishpa, mana ricsishca llactapi causagringuichic” ninguichic» nirca.

JEREMÍAS 5:19 Iomraidhean Croise

JEREMÍAS 13:22

Cambac shungupica: “¿Imamantatac cai llaquicunaca japinyari?” ninguipishchari. Chaica, can yallita juchallishcamantami japirishpa, churanata llatanashpa, lluchu changata saquic shina ruhuarca.

JEREMÍAS 16:13

Chaimantami cancunapish, cancunapac ñaupa taitacunapish mana ricsishca llactaman cancunata llucchishpa cachagrini. Chaipimi tutapish, punzhapish shuctac dioscunata servinguichic. Cancunataca manatac llaquishachu” ninmi ningui» nirca.

JEREMÍAS 17:4

Ñuca cushca llactatapish shitashpa, cancuna mana ricsishca llactacunapi cancunata piñaccunata servishpa causachunmi saquisha. Cancuna yallita piñachishcamantami nina japiric shina piñarishca cani. Chai ninaca huiñaitami rupacungalla.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 2:14

Israelcunaca mana servic runacunachu. Mana huatashca shinachu causarca. ¿Imamantatac israelcunaca prezurirca?

JEREMÍAS 2:35

canca: “Ñucaca ima mana allitapish mana ruhuacchu cani. Diosca ñucahuanca mana piñarishcachu” ninguimi. Shina can: “Ima juchata mana ruhuashpami causarcani” nicucpipish, ñucami can imata ruhuashcataca ricuchigrini.

JEREMÍAS 5:18

Mandac Diosca: «Shina cacpipish, chai punzhacunapica, mana tucuitachu tucuchisha.

JEREMÍAS 5:20

Mandac Diosca: «Caitaca Jacobopac huahua huahuacunaman huillashpa, Judá llactapi causaccunaman uyachishpaca:

JEREMÍAS 9:12

Cutin ñucaca: «¿Imamantatac cai llactaca llaquinayaita tucuchishpa, shitashca pamba shina tucurcayari? Cunanca, pipish caitaca mana pasanchu. Caicunata yachangapacca, ¿pitac alli yachacca tiyanyari? Mandac Diosca, ¿pitatac caicunata huillachircayari?» nircani.

JEREMÍAS 9:13

Mandac Diosca: «Paicunaman cushca mandashcacunatami saquirca. Ñuca rimashcata mana cazurcachu. Mana ñuca munashca shinachu causarca.

LAMENTACIONES 5:8

Cunanca serviccunacamanmi ñucanchictaca mandashpa llaquichin. Paicunapac maquimanta cacharichicca pi mana tiyanchu.