JEREMÍAS 5:15 - Dios Rimashcata Quillcashcami

¹⁵ Israelcunalla, cancunata llaquichichunca caru llactamantami ñaupa pachamanta causac, sinchi runacunata apamugrini. Paicunaca mana ricsishca rimaitami rimancuna. Paicuna rimashcataca mana entendinguichicchu.

JEREMÍAS 5:15 Iomraidhean Croise

GÉNESIS 11:7

Cunanca, paicunapac rimaita chican chicanta ruhuangapac urai rishunchic. Shina ruhuacpimi, caishuc chaishuc imata rimacushcata mana entendingacuna» nirca.

SALMOS 81:5

Cai ima shina causanata yachachinataca Josepac huahuacuna Egiptomanta llucshimucpimi, paicunahuan callarirca. Ñuca mana yachashca rimaipi uyarishpaca:

ISAÍAS 28:11

¡Diosca cai gentecunataca jarca jarca rimac runa shina, mana ricsishca rimaipimi yachachinga!

ISAÍAS 29:3

Ñucami cancunapac muyundipi carpacunata shayachishpa, achca soldadocunahuan muyunacushpa chapasha. Baluartecunatapishmi shayachisha.

ISAÍAS 29:6

Tucuita Mandac Diosca tulun nishpa, allpata chucchuchishpa, sinchita tulun nichishpa, yalli rundu tamya huairahuan, tucuchic ninahuan llaquichingapacmi shamunga.

ISAÍAS 33:19

Ashtahuanpish canca chai cari tucushca, mana entendipacta rimac, mana allita rimac gentecunataca mana ashtahuan ricunguichu.

ISAÍAS 39:3

Chai quipami Dios ima nishcata huillac Isaías jatun mandac Ezequiasta ricungapac rishpaca: —Chai runacunaca, ¿maimantatac shamurca? ¿imatatac nirca?— nirca. Shina nicpimi Ezequiasca: —Paicunaca caru llacta Babiloniamantami shamushca— nirca.

ISAÍAS 5:26

Caru llactapi causaccunataca banderata alzashpami, Diosca cayanga. Tucui cai pachapi causaccunatami silbashpa cayanga. Chashna cayacpica, utcami callpashpa shamungacuna.

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

JEREMÍAS 1:15

Ñucami jahua ladopi causac familiacunata, jatun mandaccunata tandanacushpa shamuchun cayagrini. Paicuna shamushpami, Jerusalenman yaicuna ñaupapi tiyac tucui pirca muyundipipish, Judá llactapi tiyac pueblo muyundipipish carpacunata shayachinga.

JEREMÍAS 2:26

Shuhuac japi tucushpa, pingai tucuc shinami, israelcunaca juchata ruhuashcamanta pingai tucunga. Paicunapish, jatun mandaccunapish, paicuna churashca mandaccunapish, curacunapish, huillaccunapishmi pingai tucunga.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 4:16

Shuctac llactacunatapish, Jerusalentapish: “Caru llactamantami soldadocunaca muyunacushpa, Judá llactacunapi causaccunata llaquichingapac caparishpa shamucun” nichicyari.

JEREMÍAS 5:11

Israel aillucunapish, Judá aillucunapish, ñucataca mana cazurcacunachu. Chaitaca Mandac Dios ñucami nini» ninmi.

JEREMÍAS 6:22

Mandac Diosca: «Jahua lado llactamantami achca gentecuna shamun. Cai pacha tucurimantami sinchi gentecuna shamun.

JEREMÍAS 9:26

Egipto llactatapish, Judá llactatapish, Edom llactatapish, Amón llactatapish, Moab llactacunapi causaccunatapish, shitashca pamba ladocunapi causaccunatapish tucuimi llaquichisha. Chai tucui llactapi causaccunami mana circuncisionta ruhuashcacuna. Shinallatac tucui israelcunami mana circuncisionta ruhuashca shina, mana alli shunguhuan causancuna» ninmi.

EZEQUIEL 18:31

Juchacunata ruhuashpa, ñucata llaquichishcata yuyarishpa shungutapish, yuyaitapish mushucyachichic. Israelcunalla, ¿imamantatac huañunguichicyari?

DANIEL 1:4

Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.

DANIEL 7:7

Tuta camapi siricushpallatacmi chuscuniqui manchanaipac animalta muscuipi shina ricurcani. Chai animalca millai sinchi animalmi carca. Shinallatac jatun fierro quiruyucmi carca. Tucuita polvoshpa micushpami, puchutaca chaquihuan sarucurca. Chai animalca utcapi ricurishca animalcunamanta shuctaclaya, shinallatac chunga gachuyucmi carca.

AMÓS 6:14

Chaimantami tucuita Mandac Diosca: «Israelcuna uyaichic. Cancunata llaquichichunca shuctac llactatami jatarichisha. Chai llactaca Lebo-hamat llactaman yaicunamanta Arabá llacta jatun yacu ladocamanmi llaquichinga» ninmi.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

1 CORINTIOS 14:21

Mandac Dios quillcachishcaca: «Cai llactapi causaccunamanca mana yachashca rimaicunahuan, shuctac llacta rimaicunahuanmi rimachisha. Chashna rimacpipish, manatac cazungacunachu» ninmi.

DEUTERONOMIO 28:33

Cancunapac allpapi pucushcatapish, cancuna trabajashcatapish cancuna mana ricsishca gentecunami micunga. Cancunaca punzhanta llaquita servishpallami causanguichic.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.