JEREMÍAS 49:8 - Dios Rimashcata Quillcashcami

⁸ Dedanpi causaccunalla, huashaiman cutishpa callpaichicyari. Esaupac huahuacunapac llaqui punzhaca ñamari chayamugrin. Huaicucunapi miticuichicyari.

JEREMÍAS 49:8 Iomraidhean Croise

ISAÍAS 2:21

Chashna shitashpami manchana Mandac Dios achicyachicpi, rumi quingraicunapi, jatun rumi ucucunapi satiringa. Cai pachapi causaccunata Dios llaquichishpa chucchuchicpimi, chashnaca tucunga.

ISAÍAS 21:13

Arabia llactata llaquichinamanta huillashpaca: Dedán llactamanta shamuccunalla, tutaca Arabia llacta sacha chaupipi miticushpa pacarichic.

ISAÍAS 34:5

Mandac Diospac espadami jahua pachapi ricuringa. Edom llactapi causaccunata llaquichishpa tucuchingapacmi urai shamunga.

JEREMÍAS 25:23

Dedán, Tema, Buz aillucunamanpish, ñahui millmata ruturic runacunamanpish curcanimi.

JEREMÍAS 46:21

Cullquillamanta macanacuc soldadocunapish huira beci shinami. Paicunapish mana tigra ricushpami callparca. Llaquichina punzhacuna, huatacuna shamushcamantami chashna callparca.

JEREMÍAS 48:28

¡Moab llactapi causaccunalla, chaimanta llucshishpa, rumi quingraicunapi, jatun patapi paloma shina, cuzhata ruhuashpa causagrichic!

JEREMÍAS 48:44

Moab llactapi causaccunataca yallitami llaquichigrini. Manchaimanta miticushpa callpacca jutcupimi urmanga. Jutcumanta llucshicca tucllapimi japi tucunga.

JEREMÍAS 48:6

Cancunapac causaita quishpichingapac miticuichicyari. Shitashca pambapi retama yura shina caichicyari.

JEREMÍAS 49:30

Hazorpi causaccunalla, chashna quichucpimi paicunaca: caruman rishpa, jatun huaicucunapi miticuichicyari. Babilonia llactata jatun mandac Nabucodonosorca cancunata llaquichingapacmi ima shina japinata yuyarishca.

JEREMÍAS 49:32

Paicunapac camellocunatapish, achca huagracunatapish tucuita quichushpami apanguichic. Jatun tucushca runacunataca tucui llactacunamanmi caita chaita cachasha. Llaquichiccunataca tucui ladocunamantami apamusha.

JEREMÍAS 50:27

¡Paipac soldadocunatapish, huagratapish huañuchichic! ¡Aij, paicunalla, paicunata llaquichina punzhami chayamushca!

JEREMÍAS 6:1

Benjaminpac huahuacunalla, jahua lado llactamantami cancunata llaquichishpa tucuchicca shamucun. Chaimanta Jerusalenmanta llucshishpa, Tecoa llactapi cornetapi tocaichic. Bet-haquerem llacta ladopi cushnichishpa ricuchichicyari.

EZEQUIEL 25:13

Chaimantami Mandac Dios ñucaca Edom llacta ladota maquita alzashpa gentecunatapish, animalcunatapish tucui tucuchisha. Temán llactamantaca Dedán llactacamanmi jatun macanacuita cachashpa tucuchisha.

MALAQUÍAS 1:3

Esautaca piñarcanimi. Chaimantami pai causana urcucunatapish llaquinayaita tucuchircani. Paipac allpacunatapish, chacal animalcuna causana shitashca pambatami ruhuarcani» ninmi.

MALAQUÍAS 1:4

Edom llactapi causac Esaú aillucunaca: “Ñucanchicca tucui tucuchishcami canchic. Chashna cashpapish, cutinllatac shayachishunmi” ningami. Chaimantami tucuita Mandac Diosca: «Paicuna cutin shayachicpipish, ñucami cutin urmachisha. Shina urmachicpica: “Diosta mana manchac llactami, huiñaita Mandac Dios piñashca gentecunami” nishpami shutichinga.

APOCALIPSIS 6:15

Shinallatac cai pachata jatun mandaccunapish, soldadocunata jatun mandaccunapish, chayuccunapish, jatun pushaccunapish, serviccunapish, mana serviccunapish, tucuimi urcupi tiyac rumi jutcucunapi, shinallatac machaicunapi miticugrircacuna.

JUECES 6:2

Madianitacuna israelcunata yallita llaquichicpimi, paicunaca urcucunapi, machaicunapi, mai pacallacunapi miticurca.

1 SAMUEL 13:6

Israelcunaca yallita llaquipi cashpami, jatun jutcucunapi, huaicucunapi, machaicunapi, quingraicunapi, yacu jundachina jutcucunapi miticurca.