JEREMÍAS 49:22 - Dios Rimashcata Quillcashcami

²² Bosrapi causaccunata llaquichingapacca shuc águila alasta pascashpa shamuc shinami shamunga. Chai punzhacunapica Edom llactapi ashtahuan cari tucushca runaca sajuarina nanai huarmita japishca shinami tucunga» ninmi.

JEREMÍAS 49:22 Iomraidhean Croise

SALMOS 18:5

Seolman ringapac ña huatashca shinami carcani. Huañuchic tucllatami churarcacuna.

PROVERBIOS 30:19

Jatun anga maita huairata rishcata, quingraita maita culebra rishcata, mama cucha yacupi maita barco rishcata, carihuan manarac chayarishca solterapi cari chayarishcatami mana yachai pudini.

ISAÍAS 11:14

Ashtahuanpish ishcai tucushpami, inti tigrana ladopi causac filisteocunataca urmachinga. Inti llucshina ladopi causaccunapac charishcacunatapish tucuimi quichungacuna. Edom, Moab llactapi causaccunaca paicunatami servinga. Amonitacunapish paicunatami cazunga.

ISAÍAS 13:8

Yallita mancharingacunami. Paicunataca mancharina llaquicuna, nanaicunami japinga. Shuc huarmi sajuarina nanaihuan cac shinami nanachinga. Mancharinacushpami caishuc chaishuc ñahuita ricunacunga. Ñahuicunaca nina japiricuc shinami pucayanga.

ISAÍAS 21:3

Chaimantami ñuca huashaca nanacun. Shuc huarmita sajuarina nanai japic shinami llaqui japirca. Yallita llaquilla cashpami, mana uyai pudini. Yallita manchaihuan cashpami mana ricui pudini.

ISAÍAS 26:17

Mandac Dioslla, huarmi sajuarina nanaihuan yallita caparic shinami, cambac ñaupapica cashcanchic.

JEREMÍAS 13:21

Canllatac yachachishca, canhuan apanacuccunata Dios mandachun churacpica, ¿imatatac ninguiman? ¿Manachu canca huarmita sajuarina nanai japic shina llaqui tucungui?

JEREMÍAS 22:23

Líbano urcu caspicunahuan shayachishca huasipimi, cedro caspicunapi cuzhata ruhuac shina causarcangui. ¡Canta yalli llaqui japicpica, shuc huarmi sajuarina nanaihuan caparic shinami caparingui!» ninmi.

JEREMÍAS 30:6

Tapunacuichic. ¿Shuc carica huahuata sajuarinchu? Ñucaca, ¿imamantatac caricuna sajuarina nanaihuan cac huarmi shina, cinturata maquihuan japirishpa, ñahuicunapish yuracyashpa, shayacucta ricurcani?

JEREMÍAS 4:13

Piñac runacunaca puyu huichai shamuc shina, carretacunaca acapana huaira shinami shamun. Caballocunaca angata yallimi callpan. Chashna shamucpica cancunaca: “¡Aij, ñucanchiclla, imachari tucushun!” ninguichicmi.

JEREMÍAS 4:31

Punta sajuaric huarmi shina, llaquinayaita caparicuctami uyarcani. Sionpi causaccunami yallita caparishpa huacacun. Paicuna maquita chutashpaca: “¡Aij ñucalla, cunanca imachari tucusha! Ñucaca huañugrinimi. Cai runacunami ñucataca tucuchigrin” nishpami caparicun» ninmi.

JEREMÍAS 49:24

Damascopi causaccunaca manchaihuan imata mana ruhuai pudishpami miticushpa callpancuna. Paicunataca jatun manchaimi japirca. Sajuarina nanai huarmita japic shinami llaquita apancuna.

JEREMÍAS 50:36

Espadahuan shamushpami, adivinocunatapish upayachinga. Paicunapac sinchi runacunatapish chucchuchingami.

JEREMÍAS 50:43

Babilonia llactata jatun mandac chaita uyashpaca chucchushpami saquirirca. Yallita llaquirishpami, sajuarina nanai huarmita japic shina tucurca.

JEREMÍAS 6:24

Jerusalenpi causaccuna chaicunata uyashpaca: “Ñucanchicca fuerza illacmi saquirishcanchic. Ñucanchictaca yalli llaquimi japishca. Shuc huarmita sajuari nanai japic shinami, ñucanchictaca nanai japishca.

DANIEL 7:4

Punta animalca león shinapish, anga shina alascunayucpishmi carca. Ñuca ricucucllapitacmi paipac alascunata piticpi, pambamanta jatarishpa, runa shina ishcai chaquihuan jatarirca. Chai animalmanca runapac yuyaitami curca.

OSEAS 8:1

Mandac Diosca: «¡Ñuca huasitaca angacuna shinami, llaquichingapac shamun! ¡Chaimanta trompetapi tocashpa macanacuita huillaiyari! Ñucahuan ari nishcata paquishpami ñuca mandashcata mana cazurca.

ABDÍAS 1:9

Temán llactalla, cambac sinchi soldadocunapish chucchungami. Esaupac urcupi causaccunapish yallita llaqui tucushpami huañunga.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.