JEREMÍAS 49:16 - Dios Rimashcata Quillcashcami

¹⁶ Jatun quingrai jutcucunapi, jatun urcu lomacunapi causaccunalla, cancunapac shungupi jatun tucushpa cariyashcamantami cancunallatac umai tucushcanguichic. Aguilacuna jatun quingraipi cuzhata ruhuashca shina causacucpipish chaimantami uricuchisha. Chaitaca Mandac Dios ñucami nini» ninmi.

JEREMÍAS 49:16 Iomraidhean Croise

2 REYES 14:7

Amasiasca chunga huaranga edomitacunatami Cachi cucha pambapi huañuchirca. Chai macanacuipimi Sela pueblota quichushpa Jocteelta shutichirca. Chai puebloca cunancamanmi chai shutillatac can.

JOB 39:27

¿Can mandacpichu angaca urcu jahuaman rishpa cuzhata ruhuan?

PROVERBIOS 16:18

Manarac llaqui tucushpaca jatun tucushcami can. Manarac urmashpaca, jatun tucushpami causancuna.

PROVERBIOS 18:21

Causanapish, huañunapish callupimi tiyan. Imatapish rimanata munac runaca chaillatatacmi japinga.

PROVERBIOS 29:23

Jatun tucuc runataca llaquimi japinga. Ashtahuanpish shungupi yangalla cac runaca alli nishcami canga.

CANTARES 2:14

Rumi quingrai jutcupimi, jahua urcu pacallapi miticuc ñuca palomitalla, cambac ñahuita ricuchiyari. Can rimashcata uyachiyari. Can rimashca shimica mishquillami uyarin. Cambac ñahuipish sumaimanami ricurin» nirca.

ISAÍAS 10:14

Chai llactacunapac charishcataca cuzhapi maquita satishpa rurucunata taric shinami japircani. Shitashca rurucunata tandac shinami tandachircani. Chashna japicucpica, ima animalpish mana alasta pascarcachu. Shinallatac huacangapacpish mana picota pascarcachu» nirca.

ISAÍAS 2:21

Chashna shitashpami manchana Mandac Dios achicyachicpi, rumi quingraicunapi, jatun rumi ucucunapi satiringa. Cai pachapi causaccunata Dios llaquichishpa chucchuchicpimi, chashnaca tucunga.

ISAÍAS 49:25

Ashtahuanpish Mandac Diosca: «Sinchi runapac maquimanta prezuta llucchishallami. Mana llaquic mandacmantapish quichushallami. Ñucami canta llaquichic-huan macanacunpac shayarisha. Cambac huahuacunataca ñucami llaquimanta quishpichisha.

JEREMÍAS 48:14

¿Ima shinatac cancunaca: “Ñucanchicca alli sinchimi canchic. Alli macanacuc carimi canchic” ninguichicyari?

JEREMÍAS 49:15

Cancunataca tucui llactacunamanta yalli uchillatami ruhuagrini. Tucui gentecunami cancunataca mana valichinga.

JEREMÍAS 50:29

Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.

JEREMÍAS 51:53

Babilonia llacta muyundi pirca jahua pachaman cacpipish, chaimanmi ñuca cachashca piñaccunaca chayanga.

AMÓS 9:2

Seolcaman jutcushpa miticucpipish, chaimantami ñuca maquihuan llucchisha. Jahua pachaman huichai ricpipish, chaimantami uricuchisha.

HABACUC 2:9

¡Canca ashtahuan charina yuyaihuanmi shuhuashpa huasipi jundachircangui! ¡Llaquimanta miticungapacmi huasitaca pipish mana chayaipac jahua altopi churangui! ¡Aij, imachari tucungui!

MALAQUÍAS 1:3

Esautaca piñarcanimi. Chaimantami pai causana urcucunatapish llaquinayaita tucuchircani. Paipac allpacunatapish, chacal animalcuna causana shitashca pambatami ruhuarcani» ninmi.