JEREMÍAS 48:36 - Dios Rimashcata Quillcashcami

³⁶ Chaimantami Moab llactapi causaccunamantapish, Kir-hares llactamantapish ñuca shunguca flauta huacac shina huacanga. Shinami yallita chayucyashpapish tucui tucuchirca.

JEREMÍAS 48:36 Iomraidhean Croise

2 REYES 3:25

Pueblocunata llaquinayaita tucuchishpami, tarpuna allpacunapica rumicunata tucui jundachirca. Yacu llucshic junducunatapish tucuimi taparca. Alli yuracunatapish pitircami. Kir-hareset pueblollami mana ima tucushpa saquirirca. Shina cashpapish, huaracahuan macanacuccuna muyundita shayarishpami tucui tucuchirca.

PROVERBIOS 11:4

Dios piñarishpa llaquichi punzhapica ima charishcaca mana quishpichingachu. Ashtahuanpish cashcata ruhuashcami huañuimanta quishpichinga.

PROVERBIOS 13:22

Allita ruhuac runaca herenciatami paipac huahuacunapac huahuacunaman saquinga. Ashtahuanpish juchayuc runapac charishcaca cashcata ruhuac runaman cungapacmi huacaichishca.

PROVERBIOS 18:11

Chayuc runapac charishcaca muyundita pircashca pueblo shinami. Paipac yuyaipica jahuacaman jatunta pircashca shinami.

ISAÍAS 15:5

Ñucaca Moab llactapi causaccunamantami caparishpa, tucui shunguhuan huacacusha. Chai llactamanta miticushpa riccunaca Zoar llactamanmi callpanga. Luhit huichaitami huacashpa huacashpa ringa. Horonaimman rina ñantami llaquinayaita caparishpa ringa.

ISAÍAS 15:7

Chaimantami ima charishcacunatapish, ima huacaichishcacunatapish sauce yuracuna tiyac chimba ladoman apanga.

ISAÍAS 16:11

Moab llactapi causaccunamantaca ñuca shunguca arpa huacac shinami llaquilla tucun. Kir-haresetpi causaccunamantaca tucui shunguhuanmi huacani.

ISAÍAS 63:15

Jahua pachamanta ñucanchicta ricuiyari. Can causana, cambaclla sumaimana huasimanta chapaiyari. ¿Maipitac cambac jatun cuyaica? ¿Maipitac cambac poderca? ¿Maipitac ñucanchicta tucui shunguhuan llaquichicca? ¿Manachu llaquingui?

JEREMÍAS 17:11

Cashcata mana ruhuashpa yallita chayucyac runaca sacha huallpa manapish paipac rurucunata ucllac shinami. Paica huambrarac cashpami charishcacunata saquishpa huañunga. Pai ruhuashcaca quipamanca yuyai illac runa ruhuashca shinami canga.

JEREMÍAS 4:19

Shina nicpimi Jeremiasca: «¡Aij, ñuca shungulla, ñuca shungulla! Ñuca shunguca nanaihuan pitirigrinmi. Ñuca shunguca yallitami saltacun. Jatun macanacuita huillac cornetapi tocashcatapish, yallita caparishcatapish uyashpaca, ¡ima shinatac upalla cashayari!

JEREMÍAS 48:31

Chaimantami ñucaca Moabmantapish, chaipi causaccunamantapish, Kir-hares llactapi causaccunamantapish yallita caparishpa huacagrini.