JEREMÍAS 48:3 - Dios Rimashcata Quillcashcami

³ ¡Horonaim llactapipish caparinacushcami uyarin! ¡Tucui tucuchishca llaquinayaitami siricun!

JEREMÍAS 48:3 Iomraidhean Croise

ISAÍAS 15:2

Dibón llactapi causaccunaca lomacunapi tiyac altarcunapi huacangapacmi llucshirca. Moab llactapi causaccunaca Nebo, Medeba llactacunata tucuchishcamantami caparishpa huacanga. Tucuimi acchata pitishpa barbastapish anchuchinga.

ISAÍAS 15:5

Ñucaca Moab llactapi causaccunamantami caparishpa, tucui shunguhuan huacacusha. Chai llactamanta miticushpa riccunaca Zoar llactamanmi callpanga. Luhit huichaitami huacashpa huacashpa ringa. Horonaimman rina ñantami llaquinayaita caparishpa ringa.

ISAÍAS 15:8

Chai runacuna llaquilla caparinacushcaca Moab llacta tupanacuicaman, Eglaim, Beer-elim llactacunacamanmi uyaringa.

ISAÍAS 22:4

Chaimantami ñucaca: «Yallita caparishpa huacangapac ñucamanta caruyai. Ñuca llactapi causaccunapac llaquimanta huacacpi, ama cushichinguichicchu» nircani.

JEREMÍAS 20:16

Chai runaca Mandac Dios mana llaquishpa tucuchishca llacta shina cachun. Chai llactapica tutamantaca llaquihuan caparishca uyarichun. Chaupi punzhaca macanacuipi caparishca uyarichun.

JEREMÍAS 47:2

Mandac Dios huillashpaca: «Jahua lado llactamantaca yacu tendirishpa shamuc shina, shamushpami cai llactatapish, caipi ima tiyashcatapish, llactatapish, chaipi tucui causaccunatapish tapanga. Shina tapacpica, tucui chaipi causac gentecunami caparishpa huacanga.

JEREMÍAS 48:34

Hesbón runacuna caparishpa huacashcaca Eleale llactacaman, shinallatac Jahaza pueblocamanmi uyarirca. Zoarmantaca Horonaimcaman, Eglat-selisiyacamanmi uyarirca. Nimrim yacucunapish chaquishcami.

JEREMÍAS 48:4

Moab llactaca tucuchishcami. Uchilla huahuacuna yallita huacashcami uyarin.

JEREMÍAS 48:5

Punzhantami Luhit llacta huichaitaca huacashpami rincuna. Horonaim llacta uraitapish llaquita caparishpa huacashpami ringacuna.

JEREMÍAS 51:54

¡Babilonia llactapi yalli llaquihuan caparishcami uyarin! ¡Caldeocuna manchaihuan chucchushcami ricurin!